Fc Moppa

ÍR Open. 2.leikur.

2009-03-25T12:54:00.000-07:00

Leikur á sunnudag við HENSON, vinsamlegast melda sig.

ÍR völlur við Skógarsel.
Sun.29.mar
B.riðill
Kl.16:00
FC Moppa-Henson

http://iropen.blogcentral.is/

Fyrsti leikur í ÍR mótinu

2009-03-09T02:17:00.000-07:00

fyrsti leikur okkar í ÍR mótinu er á sunnudaginn kl. 20:30 á ÍR vellinum á móti Létti/ÍR, meldið ykkur nú hér í commenti svo að það sjáist hverjir eru tilbúnir að reima á sig gaddaskónna og hlaupa svolítið.

GLEÐILEG JÓL !

2008-12-24T11:40:00.000-08:00

Blessuð jólin,,,,bæta, hressa og kæta barnið í okkur.

Gleðileg Moppujól eldhressa Moppufólk.

Árshátíð Fc Moppu

2008-09-11T02:31:00.000-07:00

Búið er að taka ákvörðun með árshátíð Fc Moppu hún verður haldin laugardaginn 4. október næstkomandi.

Nánari upplýsingar koma þegar nær dregur en nefndin er á fullu í að redda nektardansmeyjum og öli þessa stundina!

Allar hugmyndir varðandi dagskrá eru vel þegnar og skulu sendar á bjorn@hn.is og loft@simnet.is

kv. Lolli

palli 4-5 Vatnsberar

2008-09-04T16:10:00.000-07:00

Jæja jæja jæja!!!!!

Það hlaut að koma að því... eftir mikið basl síðust ár við að reyna án árangurs að lenda í neðsta sæti riðilsins og falla með sæmd, tókst það loksins þrátt fyrir hetjulega baráttu rauðhærða slánans Páls.
Hann valdi nú aldeilis leikinn til að skora 4 mörk... þau hefðu nú dugað betur t.d. í síðasta leik þar sem við fengum bara 2 mörk á okkur.
En allavega þá var mæting í dræmara lagi, en eftirfarandi holl mætti, Lolli, Loftur, Maggi, Alli, Pési, Bjössi, Siggi, Himmi, Doddi, Tommi, Valdi, Jón, Binni og að ógleymdum 4 marka manninum Palla.
byrjandaliðið var undirritaður í marki, Loftur og Pési í bakverðinum, Siggi og Himmi í miðverðinum, Palli og Doddi á köntunum , alli, maggi og Tommi á miðjunni og Bjössi frammi.

Leikurinn byrjaði glæsilega, eftir rétt rúma eina mínútu var staðan orðin 1-0, lappalanga rauðhærða hengilmænan setti sitt fyrsta mark í leiknum og ég man ekkert hvernig það var... sé hvort er eð ekki yfir völlin endilangan... var örugglega sending og palli setti hann laglega framhjá markmanninum. 10 mínútum síðar var Palli aftur á ferðinni og skoraði að þessu sinni með fallegum skalla þar sem hann stökk hæst allra í teignum. Og eftir 20 mínútur var þyndarlausi kantmaðurinn búinn að spila sig upp kantinn og inní teig og skoraði nánast því frá endamörkum yfir (held ég) markmanninn og staðan orðin 3-0 og allir ægilega hamingjusamir og þegar búnir að vinna leikinn.
Held að hér séum við komnir að merg málsins... við megum ekki komast yfir í leik því þá missum við áhugann (munum það næsta sumar... að leyfa mótherjanum að komast yfir). Þetta braust þannig út að við vorum farnir að vera með fansí spil og uppfrá því misstum við ansi oft boltann sér í lagi á miðjunni og þá er voðinn vís.
Fyrsta mark Vatnsberanna var reyndar klaufagangur í vörninn þar sem að Himmi missti boltann inní teig og sending kom fyrir markið þar sem að vatnsberi kom og sendi hann örugglega framhjá undirrituðum. þetta var þegar 10 mínútur voru eftir af fyrri hálfleik. Annað markið var sending yfir vörnina þannig að leikmaður komst einn innfyrir og skoraði framhjá undirrituðum. Staðan í hálfleik var 3-2 fyrir moppunni og átti nú að taka vel á því í seinni hálfleik.
Vatnsberarnir byrjuðu seinni hálfleik með mikilli pressu og sáum við ekki til sólar fyrstu 30 mínúturnar í leiknum. Þeir áttu góðan slatta af hornspyrnum og áttum við í miklu basli með að halda boltanum. 3 mark vatnsberanna skrifast algjörlega á mig í markinu... átti að grípa lélegt skot en missti boltann og fékk gult spjald fyrir að reyna að ná boltanum aftur eftir það... (kobbi klikkar ekki). Staðan orðin 3-3 og ennþá nóg eftir af leiknum, næsta mark vatnsberanna var sjálfsmark hjá Binna, glæsilegur skalli í bláhornið sem ég átti ekki séns í. Og 5 og síðasta mark vatnsberanna var einn á móti einum og hefði átt að gera betur en skítur skeður.
10 mínútur eftir og staðan 5-3..... þarna könnumst við við okkur og því sett í fluggírinn, Palli setti 4 markið sem var klafs í teignum að ég held (munið, ég sé ekkert hinum meginn á vellinum). Og eftir það áttum við allavega 3 dauðafæri og aragrúa af tækifærum til að jafna en allt kom fyrir ekki. Þeir misstu mann útaf þegar 5 mínútur voru eftir og áttu að missa annan útaf fyrr í leiknum en hann fékk 2 gul spjöld en Kobbi greyið misskrifaði í bókina sína og því slapp hann.

En engu að síður höfðum við gaman af leiknum og drukkum bjór í lokinn og vorum kátir.

Takk fyrir sumarið drengir nú er bara árshátíðin eftir og verður hún gríðar skemmtileg að vanda og verður tilkynning um hana sett á netið þegar nær dregur.

kv. Lolli

leikur á fimmtudag

2008-09-01T07:45:00.000-07:00

Leikur við Vatnsberana Fimmtud. 4.sept. kl. 19:00 í Kórnum.

Meldið ykkur hér fyrir neðan... þetta er síðasti leikur tímabilsins... ef við vinnum þá endum við ekki neðstir og mögulega í 3 neðsta sæti:)
Verðum með kaldan á bekknum til að tryggja mætingu!

kv. Lolli

Leikur á sunnudag

2008-08-27T02:37:00.000-07:00

31. Ág. kl 18:00 - FC Moppa-Elliði á framvellinum

Meldið ykkur hér í kommentakerfinu!

kv. Lolli

leikur á miðvikudag

2008-08-18T05:52:00.000-07:00

20. Ág. 21:00 - Kumho-FC Moppa HK-völlur (A)

meldið ykkur í kommentakerfinu

kv. Lolli

ENN EINN MOPPUSIGUR

2008-08-13T16:11:00.000-07:00

Sigurganga Fc Moppu heldur áfram!

Fc Moppa mætti afarspennt til leiks á gerfigrasi HK í Kópavoginum. Stefndi í met þátttöku fyrir leikinn gegn Strumpunum. Þeir sem mættu voru, Einar Örugglega, Siggi H., Siggi G, Pálmi, Himmi, Gústi, Ingvi, Valdi, Loftur, Bjössi, Höddi, Doddi, Tommi, Teddi, Binni, Keli, Maggi og Alli ásamt undirrituðum í göngugrindinni sinni.
Byrjunarliðið var Einar í marki, Gústi og Loftur í bakverðinum, Siggi G. og Himmi í miðverðinum. Á miðjunni voru Maggi, Ingvi og Keli og Teddi og Höddi á köntunum og einn frammi var Bjössi.
Í fyrsta sinn á tímabilinu mættum við vel mannaðir en andstæðingurinn mætti einum færri. Þrátt fyrir að vera manni fleirri fyrstu 10 mínúturnar gaf Gústi 3 hornspyrnur af stakri gjafmildi sem Strumpunum tókst ekki að nýta. Eftir að Strumparnir fengu 11 manninn gekk aðeins betur hjá Moppunni að spila, þó var ansi mikið um klaufalegar sendingar og áttum við í erfiðleikum með að spila boltanum vel til að byrja með. Þrátt fyrir það tókst okkur að skapa nokkur góð færi, Teddi átti frábært skot sem að markvörðurinn varði í slánna og út. Þá átti Binni eitt af betri færum fyrri hálfleiks eftir að hafa fengið frábæra sendingu frá Dodda fyrir markið og þurfti hreinlega bara að fá boltann í sig til að skora en sópaði boltanum, ekki bara yfir heldur líka framhjá. Við vorum duglegir að nota kantana í fyrri hálfleik og fengum ansi margar góðar sóknir sem enduðu með sendingum fyrir markið en allt kom fyrir ekki, boltinn vildi ekki í markið.
Strumparnir áttu nokkrar ágætar sóknir í fyrri hálfleik en áttu ekki erindi sem erfiði fyrir framan fyrna sterka vörn og gríðar snöggan markvörð moppunnar.
Það er vert að taka það fram að dómari leiksins tók starfs sitt afar alvarlega og var duglegur að dæma á hin undarlegustu atvik og beitti gula spjaldinu eins og sá sem valdið hefur. Hann setti heldur betur línuna þegar Strumpur nr. 4 fékk gult spjald fyrir að segja "Hef'ann".
Þá var dæmt á Einar fyrir að fara fjórðung úr sekúndu yfir 6 sekúndna reglu markmannsins og það endaði í verðskulduðu gulu spjaldi, og aukaspyrnu sem Einar varði feiki vel.
En þrátt fyrir fullt af færum og ágætum leik í fyrri hálfleik þá var staðan 0-0 í hálfleik.

Í seinni hálfleik vorum við mun kraftmeiri og ákveðnari. Við sóttum án afláts og uppskárum mark á ca. 10 mínútu þar sem boltinn barst til Alla á kantinum og renndi hann sér inní teiginn vinstrameginn og vippaði snyrtilega yfir markmanninn. 1-0
Stuttu síðar áttum við snaggaralega sókn þar sem að boltinn barst á Valda sem renndi honum á milli tveggja varnarmanna fyrir fætur Bjössa sem var að stinga sér á milli en dómarinn dæmdi rangstöðu sem var rangt í stöðunni. Strax í kjölfarið fengu Strumparnir sókn sem var nánast því nákvæmlega eins nema hvað að ekki var dæmd rangstæða og varastrumpur skoraði með sinni fyrstu snertingu. 1-1
Teddi var ekki alveg sáttur og spurði dómarann "Var þetta ekki rangstæða eins og áðan?" og uppskar gult spjald fyrir þessi vel völdu orð í garð dómarans. En Teddi var sko ekki búinn og sagði kankvís á svip "djöfull ertu hress" og uppskar að "sjálfsögðu" annað gult spjald og þar af leiðandi rautt.!?!?!?! magnaður dómari sem líður ekkert kjaftæði á vellinum "sínum".
Þrátt fyrir að vera manni færri þá lögðu menn ekkert árar í bát, skiptingar urðu örari og menn hlupu þar til blóðbragð kom í munn (ca. 3 1/2 mínútu) og skiptu sér svo útaf og spilið batnaði til muna og sóknarlotur Fc Moppu þyngdust ef eitthvað var.
Í eitt af fáum skiptum sem Strumparnir komust í sókn í seinni hálfleik braut Siggi H. hana á bak aftur og þeysti upp hægri kantinn eins og vindurinn, gaf á Valda og óð áfram upp kantinn og fékk boltann aftur lék á 2 varnarmenn og hamraði svo boltann uppi þaknetið, þvílík syrpa hjá þessum léttleikandi og netta leikmanni. 2-1
Stuttu seinna náði Doddi með ótrúlegu harðfylgi boltanum rétt fyrir utan teig hjá strumpunum og renndi honum út á Loft á vinstri kanti sem stakk sér upp að endamörkum og gaf hnitmiðaða sendingu fyrir markið þar sem að Bjössi renndi boltanum í autt markið. 3-1
Þar sem að minni mitt er ekki óbrigðult þá tæpi ég bara á helstu sóknum moppunnar en ekki öllum.
Þegar ca. 10 mínútur voru eftir minnkuðu svo Strumparnir munin með hefðbundnu Moppumarki, misskilningur í vörninni og Einar var kominn aðeins of framarlega sending kom inní teig og fílustrumpur skallaði afturfyrir sig og yfir Einar í markinu. 3-2
Þrátt fyrir að vera 10 á móti 11 þá klúðruðum við allavega 2 úrvals færum á síðustu mínútunum. Loftur komst svo svakalega einn í gegn að hann hafði sennilega rétt tæpa mínútu til að ákveða sig einn á móti markmanni en reyndi svo að sóla hann sem mistókst og strumparnir önduðu léttar. Þá prjónaði Binni sig í gegn með hjálp á lokamínútunum og þegar hann átti 2 metra í markið reyndi hann að gefa boltann sem endaði með því að hann rúllaði útaf.
Strumparnir reyndu að sækja af veikum mætti á lokamínútunum en allar sóknaraðgerðir hrundu á sterkum varnarmúr Fc Moppu og lokaniðurstaðan 3-2 sigur á Strumpunum.
Leikurinn var býsna góður af okkar hálfu og algjörlega verðskuldaður. Gaman að sjá svona marga mæta og stemmningin var fín fyrir leikin og ekki var hún verri eftir hann, þá er bara að mæta hressi og jafnmargir í næsta leik sem er eftir slétta viku eða 20. Ág. kl. 21:00 - Kumho-FC Moppa á HK-vellinum.
Næsti leikur þar á eftir er 31. Ág. kl 18:00 - FC Moppa-Elliði á framvellinum
og síðasti leikurinn er frestaður leikur við Vatnsberana Fimmtud. 4.sept. kl. 19:00 í Kórnum.

Við erum sem stendur í 10 sæti í riðlinum með 7 stig og markatöluna 11-20 En eigum eftir eitt af toppliðunum þ.e. Kumho Rovers og svo Elliða ásamt Vatnsberunum sem eru aðeins búnir að gera 2 jafntefli í sumar!

en eníháv lifið heilir.

Kv. Lolli

ps. Þessi pistill er skrifaður með fyrirvara um villur og nafnarugl.

Leikur á miðvikudag 13.08

2008-08-11T07:59:00.000-07:00

13. Ág. 19:30 - FC Moppa-Strumpar HK-völlur (A)

Meldið ykkur hér í kommentakerfinu!

kv. Lolli

Leikur á mánudaginn

2008-07-27T11:08:00.000-07:00

Sælir,

Leikur á mánudaginn 28. Júl. 19:00 - Geirfuglar-FC Moppa Fjölnisvöllur (A)

Melda sig að neðan takk.

Moppudagurinn á laugardaginn!

2008-07-24T06:56:00.000-07:00

Sælir piltar, þá er komið að stundinni sem allir hafa beðið með óþreyju. Moppudagurinn verður haldinn hátíðlegur á laugardaginn næstkomandi, 26. júlí. Sú hugmynd sem komið hefur fram er að menn hittist í softball í einhverjum garði á höfuðborgarsvæðinu (tillögur vel þegnar) kl. 14.00 á laugardaginn og spili mjúkbolta sem er íþrótt hönnuð fyrir Moppuna (mikið um stutta spretti). Þar verðum við með einhvern bjór og almenna hamingju. Síðan um kvöldið myndu menn kíkja í partý til Palla í Bólstaðarhlíðinni og drekka sig sauðfulla og kíkja í bæinn. Þetta eru engin stjörnuvísindi.

En það er mikilvægt að menn meldi sig í mjúkboltann hér fyrir neðan. Að mínu mati er þetta tilvalin tímasetning til að berja enn meiri samhug í liðið fyrir seinni umferðina og viðhalda Moppupartýshefðinni sem lítið hefur farið fyrir upp á síðkastið.

Kv, Palli

Moppan 2 - 1 Melsteð

2008-07-22T15:49:00.001-07:00

Jæja þá er fyrsti sigur Moppunnar kominn í hús og verður ekki litið til baka. Áður en tímabilið hófst jósu getspakir sparkfræðingar úr brunnum knattvisku sinnar á Utandeildarspjallinu af miklum móð og þegar kom að því að lýsa kostum og göllum Moppunnar og spá fyrir um gengi stóð einungis: "FC Moppa, gamlir og seinir."

Ég ætla ekki að draga neitt úr sannleiksgildi þessarar fullyrðingar þó síður sé. Það er aftur á móti gaman að rifja þetta upp því að það sem skóp að mínu mati sigurinn í kvöld var einmitt það að við spiluðum loksins eins og menn sem eru gamlir og seinir. Þ.e.a.s. að við spiluðum boltanum vel og í stað þess að hafa einstefnu upp miðjan völlinn af einleikssprettum og tilvonandi draumasendingum þá spiluðum við grimmt til baka og þvert. Tókum okkur tíma og þreifuðum fyrir okkur ef ekki bauðst að senda hann fram. Einnig var toppmæting í fyrsta sinn í sumar en það er einnig það sem gamlir og seinir eiga að gera, hafa nóg af skiptimönnum.

Þessir snillingar sem mættu voru Einar, Siggi G, Siggi H, Siggi M, Pálmi, Himmi, Palli, Maggi, Alli, Tommi, Höddi, Ingvi, Valdi, Binni og Kjarri, en það var haft á orði á bekknum að stóísk yfirvegun og ljúfmennska Kjartans hafi gefið liðinu alveg einstaklega fágað yfirbragð. En leikurinn spilaðist þannig að Melsteð hófu leik af meiri krafti en Moppumenn og höfðu yfirhöndina til að byrja með en Moppumenn unnu sig hægt og rólega inn í leikinn og lauk fyrri hálfleik án marka og nokkurt jafnræði með liðunum. Alli og Siggi M fengu góð færi fyrir hlé sem ekki nýttust. Moppumenn héldu svo áfram að sækja í sig veðrið í upphafi seinni hálfleiks og fór svo að eftir góða sókn hrökk boltinn fyrir fætur Magga í miðjum teignum og var hann ekkert að flækja málin og þrumaði honum í netið. Eftir markið duttu Moppumenn aðeins aftar en héldu áfram uppi fínu spili. Það var því helvíti blóðugt þegar Melsteð jafnaði leikinn eftir ágætan sprett upp hægri kantinn og virtust menn ekki alveg á tánum í vörninni. En Moppan er ólseig eins og 2 ára gamalt beef-jerky við stofuhita. Það var svarað að bragði og var markið ekki af ódýrari gerðinni. Enn á ný spiluðu Moppumenn boltanum vel á milli sín og var hann færður með hnitmiðuðum stuttum sendingum frá hægri til vinstri fyrir framan teig Melstæðinga og var að lokum rennt út til vinstra vítateigshornsins þar sem Albert gerði sér lítið fyrir og lyfti boltanum í tignarlegum boga yfir markmanninn og í slánna og inn! Alveg hreint stóglæsilegt mark og Moppan búinn að ná yfirhöndinni. Melsteð sóttu án afláts það sem eftir lifði leiks en Moppumenn vörðust fimlega en þó seinlega og átti Einar nokkrar flottar vörslur og sérstaklega þegar hann tókst á flug eins og tignarlegt bjarndýr og sló boltann aftur fyrir með ævintýralegum tilburðum. Melsteð hefðu getað fengið 2 vítaspyrnur en skeleggur dómari leiksins dæmdi réttilega ekkert. Allt í allt sanngjarn sigur og nú er bara að mæta jafn vel í þá leiki sem eftir eru og spila í takt við ástandið á liðinu, eins og við séum gamlir og seinir.

Að lokum minni ég á Moppudaginn á laugardag þar sem verður farið í softball og grillað og svo partý! Skylda að allir Moppumenn nær og fjær mæti í það.

Gíraffinn, ekki bara langur, líka langyrtur!

Fótboltaleikur!

2008-07-21T01:45:00.000-07:00

Moppan leikur við Melsteð á Fjölnisvelli kl. 20.30 á morgun þriðjudaginn 22. júlí.

Þetta er lið sem við áttum að vinna í bikarnum en mannekla hamlaði okkur þá. Nú ættu menn að vera endurnærðir eftir góða pásu og von á góðri mætingu. Ef að þið vitið af einhverjum sem er í sumarfríi og fær kannski ekki mailinn endilega minnið viðkomandi á að það sé leikur.

Moppudagur

2008-07-08T13:14:00.000-07:00

Hvernig líst mönnum á að taka smá öldrykkju og láta klúbbinn standa undir einkennisorðum sínum: "You'll never drink alone".

Hugmyndin var að laugardaginn 26. júlí myndum við taka softball á einhverju vel völdu túni, drekka bjór og hlæja dátt. Jafnvel væri hægt að hafa þetta í Hljómskálagarðinum líkt og um árið og grilla að leik loknum.

Síðan tek ég að mér að bjóða heim um kvöldið. Hvernig líst mönnum á þetta?

Palli.

Fc Moppa - Hjörleifur !

2008-06-30T12:54:00.000-07:00

Staður : Fagrilundur

Stund : Miðvikudaginn 2. júlí. Kl. 21:00 ( Mæting 20:45 )

Vinsamlega meldið ykkur og vonandi að sem flestir sjái sér fært að mæta.

æfing á fimmtudag

2008-06-25T04:16:00.001-07:00

Endilega að nýta góða veðrið sem er þessa daga og spila smá fótbolta, æfing eftir leik á fimmtudag í safamýrinni kl. 21:00 nema að það fari í framlengingu og vító þá eftir það!

meldið ykkur hér fyrir neðan!

kv. Lolli

Leikur á sunnudag!

2008-06-18T02:24:00.000-07:00

Leikur gegn Fc Fame á sunnudaginn 22. júní kl. 18:00 á framvellinum.
Mætum nú allir sem einn og tökum þennan leik!
osssssoooookommmmmaaaassssooooooooo!

meldið ykkur hér í commentakerfinu.

kv. Lolli

Æfing

2008-06-18T02:20:00.000-07:00

Er ekki kominn tími á æfingu!
Stefnum á æfingu eftir leik annað kvöld fimmtudaginn 19. júní , kl. 21:00 svo framarlega að hann fari ekki í framlengingu og vító!
Sami staður (sparkvöllurinn við framvöllinn)
meldið ykkur hér í commentakerfinu!

kv. Lolli

Nings 1-0 Fc Moppa

2008-06-12T04:01:00.000-07:00

Ekki voru þetta nú glæsileg tilþrif á vellinum, er kannski svolítið litaður af EM þessa dagana en sennilega hefur dómari leiksins þó staðið uppúr með stórkostlegum tilþrifum á köflum. Það var eins og maðurinn væri bundinn við miðjuhringinn, dæmdi rangstöður og innköst eftir pöntunum en dæmdi ekki á tveggjafótatæklingar og bakhrindingar!
Jæja nóg um hann!
Þeir sem mættu til leiks voru Einar Örugglega, Loftu, Pálmi, gústi, Siggi H., Bjössi, Jónas, Jón, Hjalti, Pálmi, Alli, Maggi, Palli, Binni og Ásgeir.
Liðinu var þannig stilltu upp, Einar í marki, Gústi og Siggi í bakvörðum, Pálmi og Loftur í miðverðinum, palli og jón á köntunum, Hjalti, Jónas og Maggi á miðjunni og Ásgeir frammi.
Eins og áður segir þá er maður svolítið litaður af EM þessa dagana og því leit spilið ekkert sérstaklega vel út til að byrja með, þó tókst okkur að skapa hættulegri færi í fyrrihálfleik, Antílópan Ásgeir einfætti átti hættulegasta færið þegar hann stal boltanum af varnarmanni og komst einn á móti markmanni, en með boltann á hægri fæti var bara einn möguleiki og það var að sparka eins og stelpa og markmaðurinn varði örugglega.
Einhver færi áttum við í viðbót sem fóru forgörðum. Loftur átti sennilega móment leiksins þegar hann náði boltanum af sóknarmanni og stoppaði boltann út við hliðarlínu en dómarinn dæmdi innkast þó að talsverður spölur væri enn í hliðarlínuna. Loftur átti þá þessa fleygu setningu "Hreyfðu á þér helvítist rassgatið dómari" og fékk gula spjaldið fyrir.
Annars átti Pálmi klúður leiksins þegar hann kom sér í vandræði ætlaði að gefa til baka á Loft en sóknarmaður komst inní sendinguna og skoraði örugglega einn á móti Einari. 1-0
Þrátt fyrir þessi mistök þá var þetta kombó Loftur og Pálmi í Miðverðinu býsna seigt og fengu Nings ekki svo mörg færi í leiknum.
Seinni hálfleikur verður helst minnst fyrir þær mýmörgu sóknir moppunnar sem ekki tókst að nýta og tilhneigingu dómarans til að láta leikinn fljóta.... þ.e. dæma helst ekki á ljót brot.
Þá er ekki úr vegi að taka Valda sér til fyrirmyndar sem mætti og hitaði upp allan seinni hálfleik þó að hann mætti ekki spila vegna leikbanns.
Þrátt fyrir frekar dapran leik þá vorum við langt frá því að vera verra liðið og hefðum leikandi getað jafnað og unnið þennan leik, en þetta datt ekki fyrir okkur í þetta skiptið!
Það er engu að síður leiðinlegt að þurfa að minnast á það enn einu sinni að þrátt fyrir að vera tæplega 40 á skrá þá erum við rétt að skrapa í lið!
Næsti leikur er 22. Jún. kl. 18:00 gegn Fc Fame á framvellinum.
Reynum að hafa æfingu í næstu viku þar sem við getum tekið vel á því og farið yfir þessi helstu atriði sem eru að verða okkur að falli í leikjunum...... þrekleysi, bjórleysi og fullt af öðrum leysum!

kv. Lolli

Leikur gegn Nings á miðvikudag

2008-06-09T03:08:00.000-07:00

Annar leikur tímabilsins í deildinni er miðvikudaginn 11. Júní kl. 19:00 gegn Nings á Framvellinum.
Sýnum nú tennurnar og mætum dýrvitlausir í leikinn!

meldið ykkur nú hér fyrir neðan eins og venjulega!

mæting er 15 mínútum fyrir leik!

kv. Lolli

Æfing á miðvikudaginn

2008-06-02T04:22:00.000-07:00

Leik Moppunnar og Vatnsberanna sem átti að vera á miðvikudaginn hefur verið frestað um óákveðinn tíma og því munum við hafa æfingu í staðinn.

ÆFING.
Staður: Sparkvöllur Safamýri.
Dags: miðvikudagurinn 4. júní
Kl: 20.30

Melda mætingu að neðan, ef við náum ekki 10 manns þá vöknar manni um augun.

Æfing á sunnudag kl. 21:00

2008-05-30T03:54:00.000-07:00

Æfing í Safamýrinni kl. 21:00 á sunnudagskvöld... börnin sofnuð og konurnar að strauja þannig að allir ættu að sleppa út!

meldið ykkur hér í commenta kerfinu

kv. Lolli

Melsteð 2-1 Fc Moppa

2008-05-27T04:45:00.000-07:00

Það var ágætt að við ætlum að einbeita okkur að deildinni í ár þar sem að bikarleikurinn við Melsteð tapaðist með naumindum.
Að sjálfsögðu náðum við með naumindum í lið, Björn Freyr fórnaði sér í markið og varði eins og berserkur þrátt fyrir að vera einfættur dvergur. Þeir sem mættu voru Rúnar, Ásgeir, Bjössi, Ingvi, Valdi, Palli, Ingi, Himmi, Siggi H., Siggi G, Siggi D og pétur Óli.
Liðið stillti sér eiginlega upp sjálft. Bjössi í marki, siggi G. og Pétur óli í bakvörðum, rúnar og Himmi í miðverðinum, Ásgeir og Siggi H á köntunum, Ingi, Ingvi og Palli á miðjunni og Siggi D. frammi. Sá gamli var á bekknum að smyrja á sig deep heat!
Leikurinn byrjaði og var jafn framan af þar sem að bæði liðin skiptust um að sækja og það markverðasta sem gerðist var gult spjald sem Ingvi nældi sér í með fallega miðuðu olbogaskoti eftir að melsteðmaðurinn hafði sparkað 5 sinnum í öklann á honum.
Við áttum nokkur ágæt færi, svosem skalla yfir, og nokkur ágæt skot sem fóru mislangt framhjá. Seint í fyrrihálfleik hreinsaði (gaf stoðsendingu) Rúnar fram á völlinn þar sem að Ingi stakk sér á milli tveggja varnarmanna og náði að lyfta boltanum glæsilega yfir bruce grobelar í marki Melsteð. 0-1 fyrir Fc Moppu.
Og eftir nokkrar ágætar sóknir hjá hvoru liði fyrir sig kláraðist hálfleikurinn og var leikur Fc Moppu bara nokkuð góður í heildina séð. Hefðum alveg getað sett 1-2 mörk í viðbót ef heppnin hefði verið með. Vörnin stóð sig mjög vel og áttu Melsteð í raun engin hættuleg færi í fyrri háfleik og ef að þeir náðu skot að marki þá tók Dvergurinn þau örugglega.

Í seinni hálfleik fór að bera á þreytumerkjum hjá moppumönnum, en þrátt fyrir það náðu Melsteð menn ekki að skora fyrr en seint í leiknum þegar ca. 15 mínútur voru eftir. Stuttu síðar braut svo Ingvi af sér aftur og fékk sitt annað gula spjald og var rekinn útaf og þá upphófst spjaldasöfnun Moppunnar. Valdi var mjög ósáttur við dóminn og lét í sér heyra af bekknum og dómarinn sem var í aðalhlutverki í seinni hálfleik ákvað að Moppan væri betur settir án varamanns og gaf Valda 2 gul spjöld í röð, annað fyrir að neita að setjast á bekkinn. Þannig að ekki nóg með að við vorum bara 10 þá var búið að reka varamanninn útaf. Þrátt fyrir það náðu Melsteðmenn ekki að skora fyrr en 5 mínútum fyrir leikslok 2-1. Held að moppan hafi sett spjaldasöfnunarmet í leiknum og sankað að sér ca. 7-8 gulum spjöldum og 2 rauðum þó að í sjálfu sér hafi leikurinn ekki verið grófur. Dómarinn var ágætur í fyrri hálfleik en gjörsamlega missti allt niðrum sig í þeim seinni.

En engu að síður er það aðalega mannfæð að kenna að við töpuðum, hefðu verið 3-4 á bekknum þá hefðum við leikandi getað unnið þennan leik.

over and out.

kv. Lolli

Bikarleikur á mánudaginn

2008-05-23T02:48:00.000-07:00

Fyrsta umferð í bikarkeppni Utandeildarinnar er að hefjast og í henni eigast m.a. við FC Moppa og Melsted. Leikurinn fer fram á mánudaginn 26. maí kl. 21 og verður leikið á gervigrasi HK í Fagralundi. Eins og ávallt leggur Moppan ofuráherslu á bikarkeppninna meðan hennar nýtur við og því mikilvægt að menn mæti keikir og bísperrtir í þennan leik.

Mæting í Fagralund er kl. 20.30 í töflufund og upphitun. Melda sig í commentum eins fljótt og kostur er.

Sjáumst í lundinum fagra með sól í hjarta og blóð í munni!

Æfing á fimmtudag

2008-05-20T04:29:00.000-07:00

Sælir félagar æfing á fimmtudag í safamýrinni kl. 20:00

Meldið ykkur hér fyrir neðan

kv. Lolli

Fc Puma 3-3 Fc Moppa

2008-05-18T14:48:00.000-07:00

Jæja fyrsta leik sumarsins lokið og úrslitin ágæt. 3-3 í hörkuleik sem var býsna opinn og skemmtilegur, bæði lið fengu nóg af færum til að klára leikinn en niðurstaðan jafntefli.
Puma skoruðu fyrst þar sem að hin háaldraði Ívar Guðmundson skoraði með skoti vel fyrir utan teig sem sveif hægt og rólega yfir alla vörnina og svo yfir Einar í markinu. Markið kom sennilega á 3 mínútu og moppumenn ekki vaknaðir... eða ennþá of þunnir. Eftir markið sóttum við í okkur veðrið og áttum nokkrar ágætar sóknir sem kom þó ekki í veg fyrir það að Puma bætti við marki ca. á 25 mínútu, eftir hornspyrnu datt boltinn í teiginn og að sjálfsögðu náðu moppumenn ekki að hreinsa og boltanum var hamrað uppí þaknetið af stuttu færi! 2-0
Moppan sótti enn í sig veðrið og uppskar þegar 5 mínútur voru eftir af hálfleiknum þar sem Siggi átti góða sendingu af hægri kanti og Himmi stökk manna hæðst og skallaði í netið. 2-1
Í seinni hálfleik var sama uppá teningnum liðin skiptust á að sækja og eftir hornspyrnu hjá moppunni var boltanum þrumað upp völlinn þar sem að Ívar og Siggi áttust við og hafði Ívar betur í þetta skiptið og átti greiða leið upp að markinu og skoraði örugglega framhjá einari 3-1
Móment leiksins kom svo þegar 20 mínútur voru eftir en Binni skifti sér inná fékk boltann rétt fyrir utan teig og þrumaði boltanum uppí bláhornið og skifti sér strax aftur útaf:) 3-2
þegar lítið var eftir féll Ingvi með tilþrifum inní teig og var dæmd vítaspyrna sem Valdi skoraði örugglega úr 3-3.
Síðustu mínútur leiksins einkenndust af væli í Fc Puma sem var pirrandi en leikurinn hafði verið prúðmannlega leikinn framan af.
Hörkuleikur sem hefði getað dottið á hvornveginn en 3-3 sennilega sanngjörn úrslit, bæði lið áttu fullt af færum.
Fc Moppa byrjar því tímabilið ágætlega og skulum við vona að það haldi áfram.
Næsti leikur er 04. Jún. 20:30 - FC Moppa-Vatnsberar Framvöllur (A), nánar um það síðar.

kv. Lolli

Fyrsti leikur í utandeildinni 2008

2008-05-16T06:16:00.000-07:00

Fyrsti leikurinn hjá okkur er á móti Puma á sunnudaginn (18.05) kl. 18:00 í safamýrinni.
Gömul stórveldi að mætast... þetta verður hörkuleikur og rúllum nú þessum pappakössum upp!!!!
Mæting tímanlega ca. 17:30

Búið er að staðfesta leiktímana og hefur hann ekkert breyst þannig að við sjáumst á sunnudag!
Meldið ykkur hér fyrir neðan með mætingu á sunnudag

kv. Lolli

ps. þá vil ég óska Sleggjunni aka "Kjartani" hjartanlega til hamingju með litla moppustelpu sem fæddist í gær, (góð ástæða til að mæta ekki í leikinn:)
Hjartanlega til hamingju Kjartan og Sæunn!

Leikur við Fame

2008-05-13T05:33:00.000-07:00

Sælir félagar, Moppan greinilega að vakna af dvala, 13 manns á tveimur æfingum í röð. Nú ættum við að vera í þrusuformi og því er um að gera að sýna formið!
Það verður því Æfingaleikur á fimmtudaginn næstkomandi gegn Fc Fame á gerfigrasinu í Mosfellsbæ og hefst leikurinn kl. 21.30 þannig að mæting er 21:15.
Meldið ykkur hér í commentakerfinu!

kv. Lolli

Æfing annan í Hvítasunnu!

2008-05-08T09:10:00.000-07:00

Næsta æfing verður í Safamýrinni á mánudaginn næstkomandi, annan í Hvítasunnu kl. 20:30
Þar verður tekið á því fyrir næsta æfingaleik sem verður á fimmtudaginn kemur kl. 21:30 á gerfigrasinu í Mosfellsbæ, en nánar að því síðar!

Meldið ykkur á æfinguna í commentakerfinu!

Æfing á miðvikudag. 20:30

2008-05-05T16:29:00.000-07:00

Miðvikudagskvöldið 7.maí.
Kl.20:30
Sparkvöllurinn við Safamýrina.

Æfingaleikur mánudaginn 5/5.

2008-05-04T06:25:00.000-07:00

Ætlum að taka æfingaleik við FC Ice á mánudagskvöld.

Gervigras HK, Fagralundi v/Furugrund Kópavogi.
Mæting kl.20:45

Meldið ykkur sem fyrst í "comments".

AFLÝST! Æfing 1.maí kl.11:00

2008-04-30T06:32:00.001-07:00

Lítil mæting = engin æfing.

Ef menn verða komnir á lappir fyrir sólarlag er um að gera að skella sér í þynnkubolta.

1.maí.
Sparkvöllur v/Safamýri kl.11

Skella sér svo í GASalegar mótmælagöngur.

Moppan í A-riðli.

2008-04-29T10:47:00.000-07:00

Styttist í að gamanið hefjist.
Sýnist við hæglega geta náð að margfalda fjölda sigurleikja frá síðasta tímabili !

Ekki er búið að raða niður umferðunum né tilkynna leikvelli.

A-riðill:
Strumpar
Kumho
Elliði
Puma
Vatnsberar
Nings
Fc Fame
Hjörleifur
Fc Moppa
Melsted
Geirfuglar

Æfingu FRESTAÐ

2008-04-27T18:04:00.000-07:00

Heilir 3 sem þykjast geta komist svo við sleppum þessu í kvöld.

Miðvikudagur 30/4
Kukkan 21:00 (stax eftir Che-Liv)
Sparkvöllur Safamýri

Vinsamlegast látið vita í "Comments"

Æfing

2008-04-25T03:25:00.000-07:00

Sælir, flestir eru sammála um ágæti og mikilvægi þess að æfa saman einu sinni í viku. Ekki eru allir vissir um að fimmtudagar henti best. Notið könnunina hér að neðan og segið til hvaða dagur hentar ykkur (munið meistaradeildin er að klárast) og takið fram í kommentum ef þið hafið einhverjar séróskir um tíma.

Click Here for Poll Online Surveys
| Online Poll
| Email Marketing
View MicroPoll

Online Poll Powered By MicroPoll

Æfing fimmtudag kl.11

2008-04-20T16:46:00.000-07:00

Spurning hvort menn hafi tíma í tuðruspark í vikunni ?

Endilega kannið schedule-ið á þessum tímum og comment-ið hvort þið komist.

Fimmtudaginn kl.11 (sumard. fyrsti = rigning )

Melda sig aftur vegna nýrrar tímasetningar !

Æfingu aflýst ..........

2008-04-14T16:24:00.000-07:00

Engin þátttaka vegna stórleiks í enska boltanum.

ÁFRAM CHEL$KIYJ

Sami staður, annar tími.
Mætum aðeins fyrr, hart slegist um "góða" velli þessar vikurnar.

Fimmtudagurinn 17.apríl.
Safamýri.
Kl.20:30

Kannski Eder mæti á stuttbuxunum ?!?

ÆFING á fimmtudag.

2008-04-07T12:13:00.000-07:00

Æfing er sett á fimmtudaginn 10. apríl, kl. 21 á sparkvellinum í Safamýri.

Vinsamlegast segið AF eða Á með komu ykkar í "COMMENTS" hér að neðan.

Konungur veðurfréttanördanna (Siggi Stormur) sagði að pottþétt yrði einhvernvegin veður úti svo upp með sokkana og svitaböndin !!!

Æfing á fimmtudaginn

2008-04-02T02:56:00.000-07:00

Æfing verður haldin líkt og fyrri vikur á fimmtudaginn 3. apríl, kl. 21 á sparkvellinum í Safamýri.Meldið vinsamlegast mætingu hér að neðan eftir bestu samvisku. Mætingin hefur verið að braggast seinustu vikur og ef það verður fjölmennt á fimmtudaginn förum við að skoða það að taka æfingaleik.

Staðfestingargjald!

2008-03-27T02:07:00.000-07:00

Sælir félagar!

Hér kemur hin sívinsæli póstur sem lítur að peningum og útgjöldum!
Nú er svo komið að við erum búnir að skrá okkur í þessa blessuðu utandeild enn eitt árið (enn einn moppusigur) og því fylgir náttúrulega peningaútlát. Á aðalfundi Fc Moppu fyrr í vetur var tekin ákvörðun um það að hafa árgjaldið 10.000 kr. eins og í fyrra og fer það í mótsgjald og annan kostnað sem fylgir utandeildinni!
Nú þarf að borga staðfestingargjald fyrir 2. Apríl og því ekki seinna vænna að rukka þetta inn!

Staðfestingargjaldið er 25.000 kr. en heildargjaldið er 110.000 kr. og á að borgast 15. Apríl þannig að hóstið nú upp þessum 10.000 kr. og leggið inná moppureikninginn 526-15-8932, kt:100775-3449

Kv. Lolli

Æfing á fimmtudaginn

2008-03-25T03:51:00.000-07:00

Sælir félagar, við höldum áfram undirbúningstímabilinu með sól í hjarta. Æfing verður haldin líkt og fyrri vikur á fimmtudaginn 27. mars, kl. 21 á sparkvellinum í Safamýri.

Meldið vinsamlegast mætingu hér að neðan eftir bestu samvisku. Mætingin hefur verið að braggast seinustu vikur og ef það verður fjölmennt á fimmtudaginn förum við að skoða það að taka æfingaleik.

kv,

Æfingar um páskana

2008-03-18T08:54:00.000-07:00

Sælir félagar,

Það verða tvær æfingar um páskana.

Fimmtudaginn (skírdag) 20. mars, kl. 21, sparkvellinum í Safamýrinni.

og

Mánudaginn (annan í p.) 24. mars, kl 18.30 í Sporthúsinu.

Við fengum þennan eina tíma í Sporthúsinu og það er mikilvægt að menn mæti á réttum tíma þangað þar sem hann er bara klukkutími.

kv,

Moppuvika

2008-03-10T07:33:00.000-07:00

Já það verður mikið um dýrðir í þessari viku í starfsemi Moppunnar. Þriðja æfing sumarsins verður á fimmtudaginn kl. 21 á sparkvellinum við Fram og er nokkuð ljóst að það verður margt um manninn, meldið mætingu hér að neðan.

Síðan að máli málanna en það er fyrsta Moppupartý sumarsins! Verður það haldið heima hjá Jónasi á laugardaginn 15. mars og er verið að tala um að ófáir fjölskyldufeðurnir muni nota tækifærið og taka á því í góðum félagsskap. Mætum allir sem einn á laugardaginn og rifjum upp stemmarann frá árshátíðinni og berjum saman hópinn fyrir sumarið. Hilmar verður með stutta ræðu um hvers lags fólk hann vill í þetta lið og Sindri ætlar að mæta og kynna nýju bókina sína: "Þúsund meiddir ökklar". Annars eru enn laust pláss fyrir skemmtiatriði en hugmyndin einfaldlega að fá sér í glas saman og rifja upp gamla Moppustemmarann.

Líst mönnum ekki bara vel á að taka gott Moppupartý? Látið í ykkur heyra hér í commentum.

kv, "Stjórnin"

Aðalfundur utandeildarinnar!!!

2008-03-04T04:55:00.000-08:00

Aðalfundur Egils-gull deildarinnar 2008 verður haldinn fimmtudaginn 6. mars kl. 20:00 á Kringlukránni.

Við hvetjum forsvarsmenn liðanna til að mæta. Eins er gott fyrir þau lið sem hafa hugsað sér að taka þátt í deildinni í 1. skipti að mæta og kynna sér fyrirkomulag deildarinnar.

Formleg skráning í keppni í sumar verður á fundinum.

Kv,Stjórn

Ps. Ef einhverjum langar að kíkja á fundinn þá endilega látið vita, á sjálfur bágt með það!

kv. Lolli

Æfing, fimmtudaginn 6. mars kl 21.

2008-03-03T03:49:00.000-08:00

Sælir félagar, fyrsta æfing sumarsins seinasta fimmtudag var bráðskemmtileg og um að gera að endurtaka leikinn. Því er hér með boðað til æfingar fimmtudaginn 6. mars, kl. 21 á sparkvellinum við Fram.

Meldum okkur inn hér að neðan og spurning hvort menn tækju þennan tíma bara frá næstu vikurnar fyrir Moppuna. Langbest er ef menn láti vita hvort þeir komist eða ekki. Ef menn reyna, stefna eða vona að þeir komist þá er best að bíða bara þangað til það er orðið ljóst áður en menn melda sig. Það voru sex sem mættu síðastliðinn fimmtudag og skemmtu sér vægast sagt vel við knattiðkun, við stefnum ótrauðir á að ná 10 manns á fimmtudaginn.

Fyrsta æfing ársins 2008

2008-02-25T04:53:00.000-08:00

Eins og fram hefur komið var ákveðið að blása til æfingar á fimmtudaginn og verður hún á sparkvellinum í Safamýri sem bæði er upplýstur og upphitaður. Æfingatími er frá 21.00-22.00 og nú skulum við venja okkur á að boða komu skilvíslega og hreinskilningslega hér að neðan. Enn eru talsvert margir sem ekki hafa sagt til um þátttöku sína í sumar og um að gera að láta vita með það líka.

Sjáumst hressir á fimmtudaginn með ökklana á réttum stað.

Aðalfundur FC Moppu - 2008

2008-02-21T06:14:00.001-08:00

Já það er óhætt að segja að gleðin hafi svifið yfir vötnum hjá Moppunni í gær. Boðað var til fundar og mættu þar 5 galvaskir piltar og lögðu drög að komandi sumri. Eftirfarandi var tekið fyrir:

Búningar - Tvö stórfyrirtæki berjast nú um að fá auglýsingapláss á ávölum skrokkum Moppumanna í sumar og er talið líklegt að fyrirtækin tvö verði að sameinast í tilboðum sínum ef samningar eiga að nást, enda er fermetraverðið á Moppukroppum ekki fríkeypis. Þetta mál er í góðum farvegi og verður kynnt betur um leið og fréttir berast. En það er talið líklegt að Moppan muni skarta nýjum og glæsilegum búningum í sumar.
Leikmannamál - Lausleg talning þótti sýna að virkir/gangfærir Moppumenn væru um 26 og þar af væru um 15 sem hefðu mætt ásættanlega eða betur í fyrra. Því var rætt um að huga fyrst og fremst að því að virkja núverandi mannskap betur og sjá síðan til hvernig mæting verður. Það væri því gott ef allir Moppumenn myndu commenta hér að neðan um hvort þeir verði með í sumar og hve vel þeir telji sig geta mætt, gott væri að allir myndu skila inn virkum emailum til að útbúa virkan póstlista.
Mittismál - Þessum lið var vísað til undirnefndar sökum málbandsskorts.
Æfingamál - Menn eru almennt til í að æfa einu sinni í viku og hefur verið boðað til fyrstu æfingar ársins á fimmtudaginn í næstu viku á skjólgóðum sparkvellinum í Safamýrinni kl 21. Það verður settur upp póstur um þá æfingu eftir helgi svo menn geti meldað mætingu.
Heimasíða - Ný síða verður sett upp í vor til þess að ferskja upp á samskipti og umfjöllun.
Árgjald - Ákveðið var að árgjald Moppunnar yrði kr. 10.000 líkt og í fyrra og verður innheimta í höndum Jónasar sem hefur verið æviráðinn sem gjaldkeri.
og að lokum mál málanna................Partý - Menn voru sammála um að árið 2008 yrði horfið til eldri, betri og drykkfeldari vegar í málefnum Moppunnar. Því hefur verið ákveðið að halda Moppupartý til að hrista mannskapinn saman fyrir sumarið. Verður það haldið laugardaginn 15. mars heima hjá Jónasi. Mun Hilmar Hilmarson verða motivational speaker kvöldsins og verður gerð krafa um hressleika.

Að þessum málum ræddum var fundi slitið undir dynjandi lófataki og er óhætt að segja að menn líti björtum augum á Moppusumarið. Þannig að það sem er framundan er æfing á fimmtudaginn og partý 15. mars! Í framhaldi af æfingunni verður farið að huga að æfingaleikjum enda Moppan vön að spila sig í gang. Látið endilega heyra í ykkur hér að neðan.

Kær kveðja, Giraf.

Aðalfundur Fc Moppu

2008-02-18T02:09:00.000-08:00

Best að dusta rykið af þessari blessuðu síðu okkar!
Aðalfundur er sem hér segir!

Sælir sokkar,

Hér með er boðað til Aðalfundar FC Moppu. Fer fundurinn fram miðvikudaginn 20. febrúar og hefjast fundarhöld kl. 21.00. Fundarstaður er Bólstaðarhlíð 48, 105 Reykjavík en það er Gíraffagrenið. Gildir limir eru hvattir til að mæta til þess að skipuleggja sumarið, enda er það mál manna að þetta muni verða besta Moppusumarið frá upphafi.

Fundardagskrá:

1. Búningamál.
2. Leikmannamál
3. Mittismál
4. Önnur mál

Síðan væri mjög gott ef að allir viðtakendur þessa pósts myndu fara yfir póstfangalistann og athuga hvort þið sjáið einhver email sem þarf að uppfæra eða skipta út. (Muna reply all osfrv. Gústi)

Með Moppukveðju,

Moppan stækkar og stækkar og STÆKKAR

2007-10-23T04:18:00.001-07:00

Nú á þessum síðustu og verstu tímum reyna Moppumenn allt til að fjölga í Fc Moppu en í þessum mánuði hefur þeim fjölgaði þeim um 2, en loftur átti lítinn Tarf þann 16. okt og Gústi eignaðist lítinn Slobby þann 21. okt. Mættu aðrir moppumenn taka sér þá til fyrirmyndar og leggja í fyrir framtíðina því framtíðin er moppunnar að eilífu amen!

Vil óska Gústa og frú og Lofti og Brynhildi hjartanlega til hamingju með erfingjana.

Kv. Lolli

Svo er beðið eftir tveimur moppumönnum í viðbót frá þeim Gunna Frey og Valda þannig að næsta sumar verðum við óstoppandi!

ps. komin er staðfesting á því að Gunnar Freyr og Gústi áttu barn sama dag, þ.e. 21. 0kt!

Árshátíð Moppunnar 2007 - ATH BREYTT STAÐSETNING!

2007-09-24T04:18:00.000-07:00

Sælir félagar, þá eru menn búnir að bíða í heilt ár og er stóra stundin að renna upp: Árshátíð Moppunnar 2007! Menn hafa unnið baki brotnu við að skipuleggja gjörninginn og eru komin drög að árshátíð og eru þau á þennan veg:

Laugardagurinn 29. september
kl.
14.00 Hist á Ölveri og horft á boltann, af nógu að taka.
16.00 Farið í Softball í grennd við Laugar
18.00 Slakað í Baðstofunni í Laugum
19.00 Matur í Laugum
20.30 Farið í partý hjá Jónasi í Grafarholti
00.30 Í vinnslu - erum að vinna í að við förum allir saman á einhvern stað

Að sjálfsögðu verður verðlaunakosning og útbítingur og ekki þarf að minna menn á viðurlög þess að mæta edrú á árshátíð. Öllum tilbrigðum við Moppur er fagnað.
ATH. að klæða sig eftir veðri fyrir softball, það skiptir engu þó menn blotni þar, það verður farið beint í baðstofuna eftir það.

Menn munu þurfa að borga í Laugum, það verða 5400 krónur fyrir baðstofuna og dýrindis mat en Moppan mun síðan skaffa vín í Softball, með matnum og í partýið í ótæpilegu magni og á enginn að þjást af ofþornun á laugardaginn.

Kveðja, nefndin

Árshátíð Moppunnar og síðasti leikur.

2007-09-10T02:18:00.000-07:00

Sælir drengir, þá er komið að síðasta leik tímabilsins og ......reyna að vinna......berjast......hafa gaman.......osfv. Leikurinn er gegn starfsmönnum skemmtistaðarins Nings á sunnudaginn 16. september kl. 18 á Framvelli. Allir láta vita hvort þeir komist eður ei.

Síðan fórum við nokkrir saman til spákonu og sá hún í kristalskúlunni sinni að árshátíð Moppunnar ætti að vera laugardaginn 29. september og að hún yrði öll hin glæsilegasta. Einnig sá hún að þrír til fimm heiðursmenn myndu stíga fram og sjá um skipulagningu hátíðarinnar. Best væri að þeir sem hafi áhuga gefi sig fram hið snarasta svo hægt sé að panta stripparana, Moppuhöllina og flugeldana sem fyrst. Varðandi stemmningu þá held ég að þetta sé það sem við ættum að stefna á:

Sem sagt, hér í tilkynningakerfinu eiga menn að láta vita hvort þeir komist í leikinn og á árshátíð 29. sept. Einnig skulu eldhugar bjóða sig fram í árshátíðarnefnd (tilvalið fyrir meiðslamenn?)

Leikur á sunnudaginn

2007-09-05T02:42:00.000-07:00

Sælir félagar, þá er komið að næst-síðasta leik sumarsins og um að gera að bæta fyrir hremmingar seinasta leiks og mæta eins og grenjandi ljón(?) til leiks.

09. Sept. 18:00 - FC Moppa-Kærastan hans Ara Framvöllur (B)

Allir að melda sig í neðra.

Grenjandi ljón:

Leikur á miðvikudaginn!!!

2007-08-27T02:20:00.000-07:00

Jæja drengir, nú er um að gera að fylgja á eftir fyrsta sigrinum og bæta öðrum í sarpinn.

29. Ág. 19:00 - Vatnsberar-FC Moppa Framvöllur (B)

Allir melda sig!

Ef við klárum seasonið almennilega er aldrei að vita nema að stemmningin verði svona góð á árshátíðinni:

Leikur á miðvikudaginn!!!

2007-08-20T06:11:00.000-07:00

Jæja strumparnir mínir, þá er komið að því að etja kappi við okkar ástkæru Hómersmenn. Við höfum marga hildina háð við þá og má búast við miklum baráttuleik þar sem knattleikni og fínhreyfingar verða í aðalhlutverkinu.

22. Ág. 20:30 - FC Moppa-Hómer Framvöllur (B)

Mæting er kl. 20 stundvíslega og látið vita með mætingu í tilkynningakerfinu hér fyrir neðan.

Leikur á þriðjudaginn

2007-08-10T08:13:00.000-07:00

Nú tökum við heldur betur á því og vinnum fyrsta leikinn okkar!!!

14. Ág. 21:00 - Kumho-FC Moppa HK-völlur

Melda takk

Æfing

2007-08-07T15:58:00.000-07:00

Ætlum að hafa bolta á miðvikudagskvöldið 8. ágúst kl. 20.00. Staðsetning: sparkvöllurinn Baugakór. Endilega meldið ykkur.

Leikur á þriðjudaginn 31. júlí kl. 19.30 - NÝ STAÐSETNING

2007-07-30T01:56:00.000-07:00

Sælir piltar, næsti leikur Moppunnar er gegn Metró á GERVIGRASINU Í MOSÓ kl. 19.30!

Mæting 19!

Tilkynningarskylda eins og venjulega.

ATH! Leikurinn verður á GERVIGRASINU Í MOSÓ!!!!!!!
Sami tími, annar völlur!

Er Það Skilið!?!?

Leikur mánudaginn 23. júlí

2007-07-19T07:31:00.000-07:00

23. Júl. 19:00 - FC Fame-FC Moppa Tungubakkar (B)

Melda sig í commentum

Leikur 16. júlí!

2007-07-11T08:04:00.000-07:00

Á mánudaginn 16. júlí kl. 19 leikur Moppan við Fc CCCP í fyrstu umferð bikarkeppni utandeildarinnar og fer leikurinn fram á Tungubökkum.

Hér á síðunni gefst nú tækifæri til þess að tilkynna það hvort menn mæti í þennan leik eður ei. Það skal gera í þar til gerðu kommentakerfi hér fyrir neðan.

Mæting er á Tungubakka kl. 18.30 og ekki gleyma góða skapinu.

Æfing í kvöld!

2007-07-10T07:22:00.000-07:00

Æfing í kvöld, hittumst við Digranesskóla kl. 20.40!!!

Frábært veður, heitar gellur og ííííííísssskaldur Viking Gylltur!!

(mynd og texti hafa ekkert með æfingu Moppunnar að gera)

Moppan vs. Dragon

2007-07-09T03:30:00.000-07:00

Það voru 15 Moppumenn sem mættu galvaskir til leiks á Fylkisvellinn síðastliðinn sunnudag. Byrjunarliðið var Sigurður í markinu. Vörn: Höskuldur, Kjartan, Pálmi og Gústi. Miðja: Teddi, Maggi, Tommi, Doddi og Ásgeir. Bjössi var svo einn frammi. Á bekknum voru þeir Alli, Valdi, Ketill og Arnar.
Aldrei þessu vant þá byrjaði Moppan mun betur en andstæðingurinn. Virtist það gefa góða raun að hafa þrjá vel spilandi miðjumenn inn á í einu en þrátt fyrir að flott spil þá náðum við ekki að skapa afgerandi færi, fyrir utan að Valdi vildi ekki skalla boltann inn því að hann var svo linur. Moppan náði svo forskoti með marki frá Bjössa eftir fallegt spil Moppunar og góða stungusendingu frá Valda. Eftir þetta bökkuðu Moppumenn kannski um of og dragon náði að pressa á okkur það sem eftir lifði hálfleiks. Dragon byrjaði seinni hálfleik með boltann og annað eins mark hef ég aldrei séð. Mætti halda að við værum í 7.flokki að bora í nefið og með puttann upp í rassgatinu. Þeir gefa upp hægri kanntinn strax eftir miðju og þaðan kemur sending á þann sem gaf upprunalegu sendinguna og hann skallar inn. Alveg glatað mark.
Eftir þetta pressa þeir en skapa sér enginn dauðafæri. Við komust þá aftur yfir eftir fína sendingu frá Arnari á Tomma sem skallaði hann inn. Aðeins menn undir 170 cm geta skorað skallamörk hjá Moppunni. Moppan eins og alltaf duttu alltof langt aftur og dæmin sanna það að við kunnum ekki að halda forskoti. Þeir jafna svo þegar 5 sek eru eftir þegar Bjössi er kominn í markið og ef ég væri ekki dvergur hefði ég varið það.
Svekkjandi úrslit en við erum orðnir eins og KR og þiggjum öll stig í botnbaráttunni. Þessi leikur var þá svona 1000 sinnum skárri en sá síðasti, varðandi spil baráttu og skemmtanagildi. Höldum þessu áfram. Margir áttu fínan leik en persónulega fannst mér Höskuldur bestur í leiknum. Kom boltanum vel frá sér og góð barátta og vinnsla í stráknum. Næsti leikur er við CCP í bikarnum þann 16. júlí kl. 19 á Pungbökkum.
Kv,
Fyrirliðinn

FC Moppa - FC CCCP miðvikudaginn 20. júní kl. 19.00 !!!!

2007-06-18T07:22:00.000-07:00

Sælir drengir nú er komið að öðrum leik tímabilsins. Hann verður á miðvikudaginn gegn FC CCCP sem við munum einnig mæta í fyrstu umferð bikarkeppninnar.

Leikurinn fer fram á Tungubökkum og hefst kl 19.00 sem þýðir að mætingar er krafist ekki seinna en 18.30!

Vinsamlegast meldið inn mætingu í tilvitnanakerfinu.

Koddí fíling og byrjum nú þennan leik af krafti!!!

Giraf

FC Moppa 3 - 4 Strumpar

2007-06-11T14:00:00.000-07:00

Moppumenn mættu temmilega hressir til leiks í blíðskaparveðri á sunnudaginn og öttu kappi við Strumpana í fyrsta leik sínum í B-riðli Utandeildarinnar.

Ekki var mikið liðið af leiknum þegar Strumpar fengu hornspyrnu. Var hún tekin lágt á nærstöng (enda erfitt að taka horn lágt á fjær) og þaðan var boltanum spyrnt áfram inn í teiginn en hitti fyrir helköttað þvottabrettið á Ásgeiri þaðan sem hann sleikti nærstöngina á leið sinni í netið. Þurfum greinilega að fá feitari menn á stangirnar í hornum. Moppumenn voru vægast sagt værukærir í upphafi leiks og vatnaði alla baráttu í menn. Eftir stungusendingu gegnum flata vörn Moppunnar bættu Strumparnir við öðru markinu og þótti Moppumönnum þeir ekki verðskulda að vera 2-0 undir, en eftir á litið var það sennilega fyllilega verðskuldað. Mikið var um langa bolta fram völlinn í fyrri hálfleik og vantaði bæði öryggi á boltann og grimmd í Moppumenn. Bjössi átti ágætt færi auk þess sem Tommi og Doddi voru skeinuhættir (hætt við að fá skeinur?). Ingi var mjög duglegur en hann byrjaði leikinn einn frammi og fékk allt of litla hjálp.

Seinni hálfleik byrjaði Moppan af þokkalegum krafti en tókst þó að fá á sig mark og Strumpar komnir í 3-0. Eftir frábæra sendingu Tedda skoraði maðurinn sem ranglega hefur verið kallaður Feiti Dvergurinn með skalla (það er Dvergurinn sem er rangt) og staðanorðin 3-1. Í kjölfarið skoruðu Strumparnir svo sitt fjórða mark og bjuggust margir á bekknum við því að leiknum væri lokið.Það varð þó ekki raunin og seinustu 20 mínúturnar sóttu Moppumenn án afláts að marki Strumpanna en voru kannski heppnir að fá ekki á sig fimmta markið úr hraðaupphlaupi. Í sóknarlotu Moppunnar skoraði Teddi gott mark eftir hnitmiðaða stungusendingu og kórónaði þannig stórleik sinn. Loftur fékk álíka sendingu inn fyrir vörnina og minnkaði muninn í 3-4 og voru tæpar 10 mínútur til leiksloka.

Á þessum 10 mínútum gerðu Moppumenn allt nema að koma tuðrunni í netið. Markvörður Strumpanna varði þrumuskot Gústa af 1,5 meters færi "Dudek-style" án þess að vita hvar boltinn var. Teddi, sem var ávallt hættulegur átti þrumuskot í slánna úr aukaspyrnu og einn Strumpanna varði skot frá Moppumanni með höndum innan teigs án þess að dómarinn dæmdi víti. Fleiri færi litu dagsins ljós síðustu mínúturnar og voru Strumpar vafalaust fegnir að sleppa með stigin þrjú.

Það skal þó ekki sagt að þeir hafi ekki átt þau skilið því ekki er nóg að spila vel í 20 mínútur. Moppumenn áttu ekki góðan dag og var eitthvert andleysi yfir mönnum. Það má þó taka ýmislegt semi-jákvætt frá þessum leik og er nú eins og einhver sagði: "...bara að byrja næsta leik eins og við kláruðum þennan!" Nú er um að gera að hætta öllu væli um riðla og erfiða andstæðinga og mæta grimmir í næsta leik og berjast frá fyrstu mínútu og þora að spila boltanum en það er einmitt í þessum sambabolta sem styrkleiki Moppunnar liggur!

Samkvæmt nýrri reglugerð Moppunnar um gul spjöld hafa 6000kr safnast í árshátíðarsjóð en miðað við gengi krónunnar í dag og með tilliti til Nasdaq samsvarar það einum kassa af bjór.

Næsti leikur Moppunnar er miðvikudaginn 20. júní kl. 19 og fer hann fram á Tungubökkum. Þar verður kappi att við FC CCP sem hafa seinustu ár verið með hörkulið. Því er ekki úr vegi fyrir Moppumenn að hittast annað kvöld í bolta eins og rætt hafði verið hér fyrir nokkru. Ef menn eru til í létt sprikl annað kvöld eða eitthvað annað kvöld (?) er ekki úr vegi að minnast á það í þar til gerðu tilvitnanakerfi hér fyrir neðan.

Blíðar heilsanir, Giraf.

Fc Moppa - Strumpar 10. júní kl. 19.30!!!

2007-06-07T08:03:00.000-07:00

Sælir félagar, þá er komið að fyrsta deildarleik sumarsins og er hann gegn Strumpunum. Verður hann háður á Fylkisgraslíkinu á sunnudaginn 10. júní kl. 19.30. Það þýðir að það er mæting kl. 19.00. Þó að strumpar séu oftast um 18 sentimetrar að hæð, bláir og geri fátt annað en að strumpa strympnum strumpum upp strumpana og strumpa hratt á gagnstrumpnum þá skulum við ekki vanstrumpa þá!

Í seinasta leik áttum við flottan fyrri hálfleik og skelfilegan seinni hálfleik, þannig að það er alveg augljóst að menn mega ekki hita svona mikið upp.

Einnig vil ég hér með ríða á vaðið og leggja til að við setjum þá reglu sem hefur verið lauslega rædd að menn sem fá gult fyrir kjaftbrúk eða eitthvað sem flokkast sem "óþarfa" skuli gert að greiða 2000 kr. í sekt sem fari rakleiðis í hina gildu sjóði árshátíðarnefndar eða grillnefndar (Freyzarans). Ekki vil ég að mönnum sé refsað fyrir öll gul spjöld þar sem þau koma mörg hver í kjölfar drengilegra sniðtæklinga, en það er kárt mál að nú þegar deildarkeppnin er hafin megum við ekki fá spjöld fyrir kjaftbrúk (ég tek þetta mikið til mín en er fjarri því einn um þetta). Ég nenni ekki að standa í einhverri atkvæðagreiðslu þannig að ég nýti mér rauðhærðnisrétt minn og segi að þessi regla sé hér með tekin í gildi!

Þá er bara að melda sig fyrir leikinn á sunnudaginn og líkt og seinast eiga allir að melda mætingu, hvort sem þeir koma eða ekki.

Blíðar heilsanir, Giraf.

Leikur!

2007-05-30T07:23:00.001-07:00

Sælir drengir, það verður æfingaleikur á Framvelli miðvikudaginn 6. júní kl. 20.30.
Spilað verður við FC Fame og yrði þetta þá væntanlega síðasti æfingaleikur fyrir mót. Nú duga engar afsakanir lengur, nú verðum við að mæta vel.

Vegna þess að Melsteð hætti við þáttöku hefur Moppan verið færð upp í riðil B, þannig að ekki veitir af því að herða á eistnaklemmunum og láta sig hafa það að mæta á allar æfingar og leiki og koma sér í spilaform!

Eins og Ásgeir bendir á verður fyrsti leikur okkar í B riðli sunnudaginn 10. júní kl. 19.30 á Fylkisvelli gegn Strumpunum.

Meldið ykkur með eða ekki með í leikinn á miðvikudaginn í commentum
Ég vil sjá hvern einast leikmann gefa svar um hvort hann mæti eður ei!

Giraf out!

Riðlar komnir, sumarið að byrja!

2007-05-28T14:55:00.000-07:00

Jæja mínir kæru Moppumenn!

Búið er að gefa út riðlaskiptinguna fyrir sumarið og hefur Moppunni verið skipað í C riðil sem lítur svona út:

Boutros Gali
Ernirnir
st styrmir
Fc keppnis
Rc collins
G.TStormur
Fc moppa
henson
Áreitni
Fc ice

Það eru 3 riðlar og er þeim skipt í efri og neðri deild, C flokkast sem neðri deild. Tel ég það persónulega frábært fyrir okkar lið þar sem við munum eiga í stökustu vandræðum með að ná í lið ef eitthvað er að marka seinasta mánuð. Ef mönnum finnst að Moppan eigi ekki að vera í neðri deild þá er bara um að gera að mæta í leiki og rústa þessum riðli, eitthvað er þarna af nýjum liðum og því ekki sjálfgefið að þau séu slök.

Ekki hafa fleiri upplýsingar um mótið verið gefnar út að sinni en við látum vita um leið og þær berast. Eitthvað er verið að vinna í því að redda æfingaleikjum og vil ég bara minna menn á að fylgjast með síðunni! Hún mun verða uppfærð mun reglulegar nú þegar þetta er að byrja. Þá er bara að koma sér í gírinn og massa þetta í sumar, mæta vel og hefja sumarið með bros á vör. Einhvern tímann var stemmarinn sterkasta vopn Moppunnar!

Að lokum vil ég kasta fram hugmynd að fjáröflunarverkefni. Ég var að spá hvort við ættum ekki að halda Pókerkvöld Moppunnar. Menn myndu borga einhvern 3000-5000 kall og helmingurinn færi til þriggja efstu manna og hinn helmingurinn færi til Moppunnar. Spilað yrði No-Limit Texas hold'em og ekkert buy-in! Ef við værum nógu margir yrði spilað á tveimur borðum í byrjun. Þetta yrði að sjálfsögðu ekki fyrr en allir eru búnir að borga ársgjaldið. Síðan yrði stefnan tekin á að hafa svolítið veglega árshátíð, menn hafa talað um veiðiferð (ekki skotveiði!!!) Endilega látið heyra í ykkur og komið með uppástungur um framkvæmd. Við skulum taka höndum saman um að rífa upp stemmninguna og hafa fleiri Moppuviðburði í sumar, ég minnist Moppudagsins í Hljómskálagarðinum fyrir um tveimur árum, meira softball og svona. En til þess verðum við að allir að hjálpast að, það gegnur ekki að Lolli og Jónas og Bjössi eigi bara að græja allt og hinir sitji með hor í nös og þumal í rassi.

Komið í fíling, allir sem einn!

Kveðja, Gíraffinn!

Æfing á þriðjudag!!

2007-05-21T05:09:00.000-07:00

Hér er update varðandi æfinguna annað kvöld:

Maggi skrifaði eftirfarandi comment:

Ég, Siggi, Pálmi, Alli, Doddi, Tommi og fleiri (sem ekki eru í Moppunni) höfum verið að hittast í bolta á Digranesvelli kl 20:45 á þriðjudögum. Ég legg til að þeir Moppumenn sem vilja mæta á æfingar mæti í þennan bolta. Þá værum við alltaf öruggir með bolta 4 á 4 eða 5 á 5.. svo er líka hægt að skipta í lið ef við verðum of margir.

Þannig að það er mæting kl 20.45 á Digranesvelli þriðjudaginn 22. maí!

Er búinn að reyna allt annað þannig að ég ætla að prófa að biðja menn fallega að mæta.

Æfing á sunnudaginn! Frestað!

2007-05-18T04:04:00.001-07:00

Æfingu frestað vegna slælegrar mætingar, mér líður eins og bilaðri plötu.

Hér með er boðað til æfingar á þriðjudaginn kl 21. Eigum við ekki bara að segja Austurbæjarskóla

Æfing annað kvöld, reyna að redda leik á fimmtud.

2007-05-14T03:03:00.000-07:00

Sælir félagar, þá er enn einu sinni komið að því að rífa stemmarann upp. Sjálfur hef ég verið læstur inní herbergi í 1 1/2 mánuð við lestur en mér finnst magnað að ekki hefur verið gerð 1 tilraun til að vera með æfingu eða eitthvað, leiðinlegt að ef að Lolli eða einhver er ekki að hamra á þessu þá gerist ekkert!

Til þess að skipuleggja leik þarf ég að vita hvenær menn geta mætt. Ætla að reyna að fá völl á fimmtudag, held að það sé reyndar erfitt að redda velli með svo stuttum fyrirvara. Eru menn klárir í leik á fimmtudag?

Við skulum alltént byrja á að hittast á sparkvelli á morgun. Austurbæjarskóli kl. 19.00!!! Látið vita með mætingu á morgun!

Æfing á morgun 1. maí

2007-04-30T06:31:00.000-07:00

Sælir félagar, það viðrar vel til æfinga þessa dagana!
Hvað er betra en léttur fótbolti til að hita sig upp fyrir meistaradeildina annað kvöld!
Hittumst allir sem einn (allavega 8) á sparkvellinum við austurbæjarskóla kl. 16:45 á morgun 1. maí, strax eftir kröfugönguna!
og muna eftir að gefa svar hér í commentakerfinu!
og muna eftir að borga borga borga!

kv. Stjórnin!

Fc moppa 2 - 3 vatnsberar/Fc Moppa 3-2 Fc Dragon

2007-04-20T03:02:00.000-07:00

Á sunnudaginn 15. apríl áttust Fc moppa og Vatnsberarnir við á Framvellinum í hörkuspennandi leik!
Vatnsberar komust í 1-0 eftir sendingu fyrir markið! Tommi jafnaði í 1-1 fljótlega með því að verða á undan markmanninum í boltan og vippa honum yfir og skora svo í autt markið! Í seinni hálfleik komust svo Vatnsberar einir innfyrir og skoruðu hjá fyrnasterkum markmanni Fc moppu! 2-1
Skömmu seinna náði moppan að jafna aftur og var þar að verki Ketill ,sem kemur ferskur inn eftir góða hvíld í vetur, eftir góða pressu á markmanninn! 2-2
Nánast strax í kjölfarið fengu Vatnsberar góða sókn sem endaði með marki þar sem hin geysi sterki markvörður moppunnar kom engum vörnum við og við það sat!
Leikurinn var þó býsna góður og hefði sennilega jafntefli verið sanngjarnt og átti Fc Moppa fullt af færum sem ekki náðust að klára! Leikur moppunnar er því allur að koma til!

Á sumardaginn fyrsta 19. apríl tók Fc Moppa á móti Fc Dragon á gerfigrasinu í Safamýrinni! Leikurinn hófst stundvíslega kl. 15:00 og vorum 14 moppumenn mættir til leiks. rætt var um að sennilega væri skynsamlegast að fá eldri lið til að spila við okkur næst til að minnka óþörf hlaup á eftir einhverjum stráklingum! Reyndin í þessum leik var nú engu að síður önnur! eins og úrslitin gefa til kynna! Snemma í fyrrihálfleik varð Gústi fyrir þeirri ólukku að þruma einn andstæðinginn niður inní teig og var samstundis dæmd vítaspyrna, sem Dragon skoraði örugglega úr! 0-1
Fljótlega eftir það renndi Gústi sér í bolta og tók ásamt boltanum mótherjann og Sigga niður í einni fallegri tæklingu! Mótherjinn var eitthvað ósáttur og réðist á Sigga greyið, sem var sakleysið uppmálað, og byrjaði að ýta honum og reyndi að skalla hann sem endaði með því að honum var snarlega vísað af velli fyrir óprúðmannlega framkomu í garð Sigga! Sá var útilokaður frá leiknum en nýr maður fékk að koma í hans stað! Staðan í hálfleik var 1-0 fyrir Fc Dragon.
Snemma í seinnihálfleik jafnaði Alli metin með góðu marki, ég stóð í marki og veit því ekki meir með stoðsendingar né nokkuð annað! Um miðjan síðari hálfleik kom mark leiksins! Loftur fékk sendingu í vinstri bakverði, sendi inná miðjuna þar sem boltinn gekk á milli manna með einni snertingu þanngað til að boltinn barst til Magga sem skoraði glæsilega upp í hægrahornið 2-1
Stuttu síðar fengu Fc Dragon horn og uppúr henni skoruðu þeir jöfnunarmark... sem skrifast á slæma dekkningu! 2-2
þegar 10 mínútur voru til leiksloka náði Fc Moppa að komast yfir aftur með marki frá Magga sem að sama skapi ég hreinlega sá ekki nógu vel (lýsing yrði vel þegin)! 3-2
Í lokin náði annar dragon maður sér í reisupassa fyrir að ætla að reyna að berja Ingva en að sama skapi var hann bara útilokaður frá leiknum en annar maður kom í hans stað inná völlinn!

Leikurinn var í heild ágætlega spilaður og er mikill stígandi í liðinu og vonandi er þetta það sem koma skal í sumar!
Pálmi var sennilega maður leiksins, mætti svo þunnur að menn fengu höfuðverk bara á að horfa á hann! Þá áttu Alli og Maggi góðan leik og skoruðu öll mörk moppunnar!

Stefnan er að taka æfingaleik í næstu viku og eru ábendingar um lið og velli vel þegnar.

Leikur á sumardaginn fyrsta

2007-04-17T10:55:00.000-07:00

Leikur við FC Dragon á Framvelli 19. apríl kl. 15, mæting 14.30

Melda takk!

Til Hamingju Pálmi!!!

2007-04-16T16:30:00.000-07:00

Moppan eignaðist í kvöld enn einn Íslandsmeistarann þegar Pálmi "Chazz" Sigurgeirsson bar KR liðið á herðum sér í 4. leiknum gegn Njarðvík í DHL höllinni. Stórglæsilegt framtak hjá Strútnum að kippa dollunni af Suðurnesjunum og í Vesturbæinn. Moppan óskar nýkrýndum Íslandsmeistaranum hjartanlega til hamingju með titilinn!

Strúturinn er enginn Slobodan!

Leikur við Vatnsberana

2007-04-11T05:44:00.000-07:00

Sælir félagar!

Á sunnudaginn næstkomandi (15.04.07) verður æfingaleikur við Vatnsberana.
Leikurinn fer fram á Framvellinum og hefst kl. 18:00 og er því mæting 30 mínútum fyrir leik eins og venjulega!
Reynum nú að vera duglegir að mæta og tökum þessa pappakassa!

Látið vita með mætingu hér í kommentakerfinu!

kv. Stjórnin

ps. Var smá vitleysa í gangi hjá mér.. ruglaðist á vatnanöfnunum vatnsberar og vatnaliljurnar og var með skráðann vitlausann tíma á þetta líka.. færist fram um 30 mín. biðst velvirðingar á þessu.. allt límsniffið þegar ég var yngri hefur áhrif á mig...!!

Æfing á fimmtudaginn kl. 21.15

2007-04-02T05:01:00.000-07:00

Athugið að tímanum hefur verið breytt, ástæðan er að margir munu fara og berja strútinn augum í DHL höllinni. Við biðjumst velvirðingar á trufluninni en þetta er eingöngu gert til að sem flestir geti mætt!

Á fimmtudaginn 5. apríl verður æfing á sparkvellinum við Austurbæjarskóla kl. 21.15!!!

Melda mætingu takk!

Reynum nú að sýna smá áhuga og búa til tíma til að mæta.

Æfingu aflýst vegna dræmrar mætingar!

2007-03-29T07:38:00.000-07:00

Æfingin verður ekki í kvöld á sparkvellinum við Austurbæjarskóla kl 19 og lítur út fyrir að veðrið verði enn betra en það var fyrir viku. Því er margt til fyrirstöðu að mætingin verði jafnvel betri en þá.

Aflýst vegna dræmrar mætingar

kv. Lolli

Skuldunautar nær og fjær!

2007-03-28T04:05:00.000-07:00

Sælir verið þið!
Þá er komið að hinum bráðvinsæla lið "Félagsgjöld". Í fyrra var rukkað 5000 kr. fyrir sumarið og var það engan veginn nóg fyrir þeim útgjöldum sem moppan stóð í og því var stöðugt verið að kroppa af mönnum allt sumarið! Við viljum koma í veg fyrir það og ætlum því að hafa Félagsgjaldið 10.000 kr. þetta árið sem greiðast skal sem fyrst, best væri að fá 5000 kr. strax og vera búnir að borga allt gjaldið í maí!

Leggja skal inn á eftirfarandi reikning og setja nafn í skýringu!
526-15-008932, kt:100775-3449

Björn Freyr er að vinna að gríðargóðri og spennandi fundargerð frá fundinum góða hjá Ingva og hlakkar okkur öllum til að lesa þann pistil! (engin pressa bjössi)

kv. Lolli

Fc Moppa 0 - 5 Vatnaliljurnar

2007-03-27T05:41:00.000-07:00

Ekki var þetta nú glæsileg frammistaða hjá Fc moppu í sínum öðrum æfingaleik tímabilsins! Greinilegt að æfingin síðasta fimmtudag hefur setið í mönnum og þá sérstaklega þeim sem ekki mættu á hana.
Þeir sem sáu sér fært að mæta voru Teddi, Ingvi, Valdi, Ásgeir, Rúnar, Palli, Himmi, Gústi, Siggi, Kjarri, Bjössi, Alli, Maggi, Doddi, Tommi, Doddi, maggi og Andreas s.s. 18 manns!

Byrjunarliðið var þannig sett upp að Bjössi byrjaði í marki, Himmi og Siggi í hafsentinum, Gústi og Kjarri sem bakverðir. Á miðjunni voru Rúnar, Maggi og Palli og svo Ásgeir og Teddi á köntunum. Frammi var Doddi einn.

Leikurinn var nú ekki mikið augnayndi og lítið af færum litu dagsljósið. Mikið var um skiptingar og var öllu liðinu skipt út og inn! Fyrsta markið kom í seinni hluta fyrri hálfleik þar sem að sóknarmaður Vatnaliljanna náði frákasti og skoraði með föstu skoti sem Bjössi átti ekki mikinn möguleika á að verja. Hinu meginn komust bræðurnir tveir Ingvi og Valdi í ágæt færi en tókst ekki að skora og Andreas átti ágætann skalla sem var varinn. Að öðru leyti var ekki mikið að gerast fyrir utan örar skiptingar.

Hápunktur hálfleiksins var þegar Andreas tók innkast við vítateigshorn Vatnaliljanna og henti inná miðjann teig við tilheyrandi andkafir frá bekknum!

Seinni hálfleikur verður sennilega fyrst og fremst minnst fyrir 4 agaleg mörk og lélegann leik Fc Moppu.
Af einhverjum völdum þá myndaðist ekkert spil menn voru ekki að bjóða sig og var hálfleikurinn hrein hörmung.

Það góða við þennan leik að sennilega verður þetta ekki lélegra.

Það verður æfing á fimmtudag kl. 19:00 á sparkvellinum hjá AUSTURBÆJARSKÓLA fjölmennum þangað!

kv. Lolli

Leikur á mánudaginn!!!

2007-03-23T08:59:00.000-07:00

Sælir félagar,

Þá er komið að öðrum æfingaleik tímabilsins og fer hann fram á mánudaginn 26. mars á Leiknisvelli í Ghettoinu. Mæting er kl 21.20 og hefst leikurinn kl. 21.45. Leikið verður gegn Vatnaliljunum.

Við þurfum að greiða okkar hlut í vellinum og eiga allir að koma með 1000 íslenskar krónur.

Góð mæting var á æfingu á fimmtudaginn en ljóst er að formið krefst þess að við mætum vel í leiki og getum dregið andvana menn útaf til skiptinga.

Eins og rætt var að aðalfundi Moppunnar höfum við þetta þannig að allir melda sig í commentum og láta vita hvort þeir komist eður ei.

Ossokomaso!

Töff!!!

Æfing

2007-03-22T03:01:00.000-07:00

Kommensiesælir

Æfing í kvöld á sparkvellinum hjá Fram kl.19!!!

Allir að mæta, menn og mýs. Láta vita í kommentum hvort þið mætið.

Fregnir frá Aðalfundi Moppunar koma svo innan bráðar.

Kv,
Stjórnin

Aðalfundur Fc Moppu

2007-03-19T07:11:00.000-07:00

Það er komið að því!

Aðalfundur Fc Moppu verður haldin annað kvöld þriðjudaginn 20. mars að Selbrekku 32 (hjá Ingva) kl. 21:00

Þar verður farið yfir komandi leiktíð og rædd leikmannamál, gjald og markmið sumarsins!

Að sjálfsögðu er skyldumæting!

Lifið heilir og hálfir.

Aðalfundur

2007-03-14T03:32:00.000-07:00

Lengsti maður liðsins fór á aðalfund Utandeildarinnar í gærkveldi og lagði við hlustir, þetta er það sem hann heyrði:

Keppnisgjald þetta árið verður hækkað úr 95k í 105-110k - í sjálfu sér eðlileg hækkun miðað við verð á rafknúnum nuddpottum.

Spilað verður á gervigrasvöllum Fram, KR, Fylkis og Hauka, reyndar verð þeir 3 fyrstnefndu teknir upp til viðgerða í sumar þannig að verið er að reyna að redda tímum hjá Leikni og ÍR. Stefnan er að hafa sem flesta leiki á virkum dögum en ljóst er að einhverjir leikir munu koma upp á sunnudögum.

Liðin sem taka þátt verða 30-33, verður því skipt í 3 riðla og líklegt er að einnig verði deildarskipt þannig að 1 riðill verði neðri deild. Skiptingin myndi fara eftir stöðu liða seinustu ár auk þess sem ný lið byrja í neðri deild - þetta þýðir að FC Moppa myndi örugglega spila í efri deild enda talið eitt af sterkari liðum deildarinnar, þegar leikmenn mæta alla vega......

Fleira markvert kom í sjálfu sér ekki fram, nema hvað að staðfestingagjald liða skal greiðast seinna í marsmánuði að upphæð 25.000kr, restin (80.000-85.000kr.) borgast síðan í apríl ef mig misminnir ekki. Því er lag að fara að safna pjéningum til greiðslu þessara gjalda. Ekki veit hversu digrir sjóðir Moppunnar eru þessa dagana og forvitinn er ég um það hvort við fáum einhverja styrki? Einnig þarf að fara fram ítarlegt manntal.

Við þetta tækifæri er rétt að minna á Aðalfund Moppunnar sem haldin verður í Ingvheimum miðvikudaginn 21. mars. Á þann fund er að sjálfsögðu skyldumæting og þeir sem ekki mæta mega búast við því að skipa árshátíðarnefnd næstu 5 árin! Þetta er gott tækifæri til að hrista hópinn saman fyrir sumarið og rifja upp gamlar sögur sem kynda undir óbilandi Moppuáhugann.

"Manstu þegar Loftur lokaði markinu?" "Já hahaha, hver getur gleymt því, hann var nú meiri grallaraspóinn, hahaha, ég sakna hans" 'faðmlag'

Nei kannski fullgay, en alla vega allir að mæta.

PS. Æfingu í kvöld hefur verið frestað, hún hefur verið færð á fimmtudaginn 22. mars kl 19

Leikur laugardaginn 17. mars kl. 16 - AFLÝST!!!

2007-03-12T07:07:00.000-07:00

LEIKNUM HEFUR VERIÐ AFLÝST VEGNA VEÐURS!!!

Á laugardaginn verður annar liður í upphitunartímabili Moppunar og munum við að öllum líkindum etja kappi við lið FC Ice, sem náðu svipuðum árangri og við í B riðli seinasta sumar. Kappið verður att á gervigrasvelli Framara í safamýrinni og þurfa menn að taka með sér 1000kr fyrir vellinum og dómara. Stefnan er að taka svo gott upphitunartímabil að við þurfum aldrei að hita upp fyrir leiki í sumar enda eru það bara kellingar og atvinnumenn sem hita upp.

Æfingunni á miðvikudaginn 14. mars hefur verið frestað til fimmtudagsins 22. mars, sjá í næsta pósti. Til þess að við séum nú með nægilegan mannskap í sumar og komust upp með að vera ekki í toppformi skulum við taka með okkur hverja pilta sem teljum geta nýst okkur á knattspyrnuvellinum, bæði á æfinguna og í leikinn.

Endilega meldið ykkur hér fyrir neðan, gefið hugsanlegan spilastatus á ykkur í sumar eða kastið fram fyrriparti. Ekki væri verra ef menn myndu láta vita hvort þeir komist á aðalfund Moppunnar á miðvikudaginn 21. mars. Fundarstaður er ekki kominn á hreint.

Muna eftir 1000kallinum á laugardaginn.

Eftirtaldir hafa boðað komu sína í leikinn:

Palli, Siggi, Teddi, Ásgeir, Bjarni, Maggi, Himmi, Steini (miniLoftur), 2 x Þjóðverjar, 1 x noobie á vegum Palla, 1 x ekvadorbúi,

Enn er beðið með spenningi eftir svörum frá Tommdodd, Valda, Rúnari og Kjarra þannig að þetta lítur allt mjög vel út.

Enn vantar nokkra þannig að gott væri ef menn töluðu við þá sem ekki hafa svarað og tékka á þeim, enn fremur vil ég ítreka að menn mega endilega taka með sér leikmenn sem gætu nýst Moppunni í sumar.

Fc Moppa 1-3 Marshall/Kumho rovers

2007-02-12T04:21:00.000-08:00

Fyrsti æfingaleikur tímabilsins búinn og einkenndist af tveimur mismunandi hálfleikjum!
Unnum fyrrihálfleik mjög sannfærandi 1-0 þar sem að teddi átti sendingu fyrir sem að Palli kom í markið! Vel af verki staðið eins og reyndar megnið af fyrri hálfleik! Náðum á köflum mjög góðu spili sem skapaði færi og menn lögðu sig fram!
Seinni hálfleikur var algjör andstæða.... þrekið alveg búið hjá megninu af liðinu og fengum á okkur 3 frekar ódýr mörk og vorum í sjálfu sér heppnir að fá ekki fleirri á okkur!
Það sem var líka frekar dapurt var mætingin, vorum aðeins 13 og því margir að spila megnið af leiktímanum!
Þeir sem mættu voru Lolli, Bjössi, Kjarri, Ingvi, Valdi, Maggi, Siggi, Ásgeir, Gummi, Himmi, Palli, Teddi og Doddi! byrjunarliðið var Bjössi í marki, lolli og kjarri í bakverðinum, himmi og siggi í miðverði, ásgeir og teddi á köntunum, palli, doddi og ingvi á miðjunni og gummi frammi!

En fyrri hálfleikur var bara nokkuð góður og því hægt að taka heilmikið úr honum!

Ef þið vitið um einhver lið sem eru til í æfingaleiki þá endilega hafið samband við þau og reynið að fá æfingaleiki... okkur veitir ekki af því!

þið sem mættuð ekki með pening endilega leggið 1000 kr. inná 526-15-008932, kt:100775-3449

svo er stefnt á fund fljótlega til að huga að komandi tímabili!

Kv. Lolli

æfingaleikur laugardaginn 11 febrúar!!!

2007-02-07T03:55:00.000-08:00

Sælir félagar... er ekki réttast að fara að týna fram legghlífar og bursta skónna fyrir komandi tímabil!
Talaði við stjórnarformann Kumho Rovers og eru þeir með framvöllinn á laugardögum kl. 17:30 og mældum við okkur mót næstkomandi laugardag kl. 17:30... þ.e. leikurinn byrjar þá!
endilega meldið ykkur hér undir í kommenta kerfinu svo að við sjáum hver mannskapurinn er!
Mætið með 1000 kr. fyrir vallargjaldi!

Mæting að sjálfsögðu 30 mínútum fyrir leik!

kv. Lolli

Vetur komandi!

2006-10-04T07:28:00.000-07:00

Sælir félagar!
Hvernig lýst mönnum á að taka æfingaleiki í vetur... 1-2 í mánuði!
Höfum nú sennilega bara nokkuð gott af því ef ég segi sjálfur frá... allavega hef ég gott af því!

kommentið hér undir hvernig ykkur líst á þetta!

kv. Lolli

Árshátíðarpistill

2006-10-04T07:09:00.000-07:00

Loksins þegar þokunni í höfðinu er að létta, þá er liðið alltof langt frá árshátíð til að geta skrifað eitthvað almennilegt og krassandi um hana! Því verður stiklað á stóru og menn geta fyllt í eyðurnar þar sem við á!

- Einhverjir mættu á leik UBK vs ÍBK á kópavogsvelli og horfðu á blikana rúlla yfir keflvíkinga fyrstu bjórarnir drukknir
- Haldið í Keiluhöllina þar sem að bættist í hópinn og menn tóku keilu þar sem skot voru í verðlaun... sá sem tapaði drakk mest og sá sem vann minnst???? afhverju að verðlauna taparann.... skil ekki vinninginn! Drukkinn slatti af bjór og eitthvað var um að menn komu úr skápnum og drukku breezer!
- Skellt sér í sund á Loftleiðum.... Pálmi, Siggi og Gústi fengu lof fyrir samræmdan klæðaburð í lauginni... drukkinn bjór og skrílslæti hafin (jón, siggi, pálmi, valdi og gústi) Sindri villtist í búningaraðstöðunni og fannst sofandi á ljósabekki þar sem hann hafði gefist upp eftir að hafa ráfað um alla 20 fermetrana í 5 mínútur.... var fagur bleikur eftir veru sína þar!
- Vígsla nýs hátíðar- og keppnisbúnings Fc Moppu þar sem að eldri leikmenn héldu tölu..... eða héldu að þeir héldu tölu.... man það ekki gjörla.... og meiri bjór drukkinn ásamt viskey og tekið rækilega í nefið!
- Hátíðin var haldin í hátíðarsal Fc Moppu að Engjateig og beið þar dýrindis hlaðborð af ostum og vínberjum þar sem menn gátu gúffað í sig þessu staðgóða og kjarngóða fæði... og drukkið bjór!
- drukkinn bjór... og menn farnir að verða óskiljanlegir... Loftur mætir ber að ofan og Breezermenn klappa manna hæðst!
- verðlaunaafhending þar sem enginn sérstakur fékk eitthvað sérstakt... en sumir fengu verðlaunaskjöl... og aðrir bjór!
- Skrílslæti taka á sig nýja mynd og menn leggja mikið á sig til að vera til ófriðs og tekst vel upp!
- Haldið af stað í bæinn í einfaldri röð þar sem hver heldur í jakka mannsins fyrir framan sig... nema sá fyrsti... hann heldur dauðahaldi í bjór!
- Eftir maraþon kóngadans á leið niður í bæ rennur þoka á mig og ég man ekki meir... fyrr en ég vaknaði augnaháralaus með bleika moppu og drullusokk í hendinni í elliðárdalnum snemma á sunnudagsmorgni.... aftur, þannig að þetta hlýtur að hafa verið geðveikt gaman!

Þakka fyrir fína árshátíð!

kv. Lolli

Dagskrá árshátíðar!

2006-09-22T07:12:00.000-07:00

Dagskrá árshátíðar!

14:00 Breiðablik vs. Keflavík á kópavogsvellinum (option)!
16:15 Keila í Keiluhöllinni í Öskjuhlíðinni!
17:30 Sund á Hótel Loftleiðum!
19:00 Uppúr sundlauginni, og menn Klæðast hátíðarbúningnum sem samanstendur af jakkafötum og nýju mopputreyjunni!
19:30 Í salinn þar sem hátíðinn er haldin borðað og rokkað í svitabaði fram eftir kvöldi!

Gott er ef að menn myndu taka með sér reiðufé vegna kostnaðar við mat!
Þá er ekki verra að menn komi með sínar eigin veigar á svæðið, en gert er ráð fyrir því að drekka mikið og margt!

kv. Lolli

Árshátíð

2006-09-19T02:25:00.000-07:00

Sælir bræður í kristi og öðrum trúfélögum.

Allir að melda sig hvort að þeir mæti á laugardag. Þetta er mjög mikilvægt til þess að ákveða kostnað og aðra dagskrá. Dagskráin kemur svo síðar.

Þetta er nú það sem við höfum verið að bíða eftir í allt sumar. Það er ekki eins og við höfum eitthvað gaman af að spila fótbolta.

Kv,
Stjórnin

Árshátíðarbúningamál

2006-09-12T07:17:00.000-07:00

Jæja þar sem að árshátíðin hefur verið sett á 23. september er ljóst að það þarf að hafa hraðar hendur við prentun búninganna. Ef menn ætla að hafa nafn á búningunum þarf að tilkynna það hið snarasta hér á síðunni í commentin eða til mín á pgudbrands@hotmail.com. Þeir sem ekki verða búnir að tilkynna fyrir lok vikunnar fá Brundstampur aftan á búninginn sinn. Farið verður með búningana í prentun á föstudag.

Fínt er að menn sendi númer með en sem ávallt gildir seniority í því og er því ljóst að nýjir leikmenn geta ekki fengið númer á bilinu 1-11 og nokkur önnur sem eru frátekin s.s. 00 og 13 og nokkur önnur sem ég man ekki. Því væri best að nýjir menn með óskatölur setji inn comment með fyrirspurn um viðkomandi tölu og þá kemur fljótt í ljós hvort hún sé frátekin eður ei. Þeir sem ekki koma með séróskir fá lægsta númer sem laust er.

Ég endurtek: ef menn vilja ekki vera Brundstampur 36 þá setja inn comment og senda tölvupóst á mig. Það verða allir að senda tölvupóst á mig með númeri og nafni. Þið verðið að vera búnir að athuga sjálfir hvort númerið sé laust. Síðasti séns er fimmtudagskvöld.

Þeir sem eru "tengiliðir" nýrra manna í liðinu sjá til þess að þeir frétti af þessu. Drífum í þessu og lítum vel út á árshátíð:

Fc Moppa 3-2 Fc Reynir

2006-09-11T03:41:00.000-07:00

Síðasti leikur tímabilsins var spilaður á gerfigrasinu í Safamýrinni í fínum aðstæðum, reyndar grenjandi rigning og rok til að byrja með en þegar leið á leikinn lægði og hætti að rigna!

Eftir frekar dapra mætingu í síðasta leik (5 manns) þá var ákveðið að reyna í það minnsta að tvöfalda þann fjölda fyrir loka leikinn. Ekki vantaði undirtektirnar og mættu alls 14 manns í leikinn, næstum þreföld aukning frá leiknum á móti TLC!

Liðskipan var þannig, Einar í marki, Pálmi og Lolli í miðverðinum, Gústi og Siggi í bakverðinum, Teddi og Palli á köntunum, Maggi, Ingvi og Þorkell á miðjunni og Björn Freyr frammi! Á varamannabekknum sátu Valdi (að hita upp), Pési og Alli.

Leikurinn var flautaður á á slaginu 21:13 þessi venjulega 13-30 mínútna seinkunn sem ávallt má gera ráð fyrir! Moppan byrjaði með boltann og lagði undir eins af stað í sókn og flaut boltinn vel á milli manna og mátti sjá á mönnum að það átti greinilega að hrista af sér slyðruorðið frá síðasta leik!

Þegar 5 mínútur voru liðnar af leiknum var brotið á Ingva rétt utan við teig vinstra meginn á vallarhelming Fc Reynis! Teddi aukaspyrnusérfræðingur stillti sér upp við boltann og gerði sér lítið fyrir og setti boltann efst í markhornið vinstra meginn með hnitmiðuðu skoti! 1-0 fyrir Fc Moppu.

Í kjölfarið fékk Moppan nokkur mjög góð færi til að bæta við marki, og fram í miðjan fyrri hálfleik var Moppan sterkari aðilinn á vellinum! Allir voru að berjast um boltann og Fc Reyni, sem sat í 3 sæti deildarinnar og átti séns á að komast í úrslitakeppnina, átti erfitt með að brjótast í gegnum miðju og vörn Moppunnar!

Þegar 10 mínútur voru eftir af leiknum komu Fc Reynir í sókn og sending í gegnum vörnina og fór af varnarmanni (undirrituðum) beint fyrir fætur sóknarmanns Reynis sem náði ekki alveg valdi á boltanum og datt um Gústa þegar hann hreinsaði og afburða latur dómari leiksins dæmdi vítaspyrnu frá miðjuhringnum! Í sjálfu sér lítið við þessu að gera og skoraði sá sem fiskaði vítaspyrnuna örugglega framhjá Einar í markinu. 1-1

Eftir markið færðust Fc Reynir allir í aukinn en náðu þó ekki að skapa sér nein hættulega færi það sem eftir lifði hálfleiks og var það sama upp á teninginn hjá Fc moppu.

Staðan í hálfleik 1-1 og voru menn ekki alveg sáttir enda búnir að eiga fínan leik og mikil barátta í liðinu aðeins ef færin hefðu verið nýtt þá væri staðan talsvert önnur!

Seinn hálfleikur hófst og sóttu Fc Reyir af talsverðum krafti fyrstu mínúturnar og fengu á köflum ágæt færi sem ekki nýttust. Fc Moppa náði loks takti við leikinn þegar 20 mínútur voru liðnar þegar Gústi tók innkast og fékk boltann aftur og sendi stórglæsilega sendingu fyrir markið þar sem minnsti maður vallarinns, Björn Freyr stökk hæðst allra og flikkaði boltanum í netið.
2-1 fyrir moppunni!

Eftir markið skiptust liðin á að sækja, og nýtti Fc moppa skyndisóknir og fengu 3-4 dauðafæri sem hefði átt að vera hægt að klára, en allt kom fyrir ekki og í staðinn náði Fc Reynir að jafna með stungu í gegnum flata vörn Fc moppu þar sem að sóknarmaður þeirra renndi boltanum framhjá Einar í markinu! 2-2

þetta gerðist þegar ca. 15 mínútur voru til leiksloka. Greinilegt var að eini munurinn á liðunum var þrekið en farið var að draga verulega af moppumönnum þegar líða tók á seinni hálfleik, þrátt fyrir það var baráttan til fyrirmyndar og menn drógu ekkert af sér í tæklingum!
Stuttu fyrir leikslok var send stunga inná Ingva sem náði boltanum og með gríðarlegri tækni og snerpu komst hann inní teig þar sem brotið var "hrikalega illa" á honum og féll hann með tilþrifum og dómarinn lati hikaði ekki við að dæma vítaspyrnu. Hlakkaði í varamannabekknum við þetta og sáu menn fram á öruggan sigur Fc Moppu. Markahrókurinn Björn Freyr stillti sér upp á punktinum og tók öruggas pyrnu í hægra hornið en markvörður Fc Reynis varði boltann örugglega og eftir smá klafs í teignu náði Fc Reynir að hreinsa út á vinstri kant þar sem að Pési tók boltann og sendi hann uppí hornið en var í kjölfarið tæklaður uppí nára af miðjumanni Fc Reynis sem fékk "gult" spjald fyrir vikið hefði nú átt að vera sótrautt fyrst það var gefið spjald!

Pálmi tók aukaspyrnuna og fékk Þorkell boltann upp við vítateigshorn og lék inní teiginn og lék á einn varnarmann stillti boltanum upp og þrumaði boltanum efst í fjærstöngina og inn. Frábærlega vel gert og braust út mikil gleði í kjölfarið. 3-2 fyrir Fc Moppu.

Fc Reynir náði einni sókn eftir það og svo var leikurin flautaður af "öruggur" sigur moppunnar í höfn.

Í heildina held ég að þetta hafi verið einn af betri leikjum moppunnar í sumar og var baráttan til fyrirmyndar og spilið var sérstaklega gott í fyrri hálfleik sem skilaði sér í nokkrum mjög góðum tækifærum en boltinn virtist ekki vilja í markið... Björn Freyr var sérlega óheppinn með sín færi. Í seinni hálfleik var farið að draga aðeins af okkur og datt baráttan aðeins niður í byrjun hálfleiksins en svo byrjaði þetta að detta fyrir okkur í seinni hluta hans.

Það er ekki hægt að taka neinn sérstaklega út í leiknum þar sem að flestir leikmenn áttu góðan leik.
Virkilega gaman að sjá gömlu moppubaráttuna birtast aftur eftir frekar daufa leiki.

En nú er bara að fara að safna moppu fyrir hina gríðarvinsælu árshátíð sem verður haldin með látum þann 23. sept næstkomandi. Þá verða hátíðarbúningarnir tilbúnir og geta menn farið að safna birgðum af áfengum veigum!

kv. Lolli

ps. staðreyndarvillur í þræðinum tilkynnist til mín

Fc Moppa 0-3 TLC

2006-09-04T02:07:00.000-07:00

Þetta var stórgóður leikur sem varði í mjög stutta stund.... mættu semsagt 5 leikmenn moppunnar Gústi, palli, pálmi, Siggi og Ingvi og svo undirritaður á hækjum!
Það eru tveir leikir eftir og menn geta ekki séð sóma sinn í því að mæta og klára þetta mót... hverskonar andskotans aumingjaskapur er þetta!
Að sjálfsögðu geri ég mér grein fyrir því að einhverjir áttu ekki kost á að mæta... en andskotinn hafi það að ná ekki 11 manns fyrir þennan leik!
Það er einn leikur eftir 10. Sept. 21:00 - FC Moppa-FC Reynir Framvöllur sýnum nú smá áhuga og mætum í þennan leik!

Endilega kommentið hér undir, þar sem að það er eina mælistikan á það hversu margir mæta!

kv. Lolli

Leikur í kvöld! þann 03.09

2006-09-03T05:10:00.000-07:00

Sælir félagar, það er leikur í kvöld 03. Sept. 21:00 - TLC-FC Moppa Leiknisvöllur. Náum nú góðri mætingu og neglum þessa tvo leiki sem við eigum eftir...!

Kommentið hér fyrir neðan!

kv. Lolli

Leikur í kvöld

2006-08-29T02:41:00.000-07:00

Leikur í Safamýrinni kl. 19:00 í kvöld gegn Elliða... Þetta er bikarinn þannig að allir að mæta og gera gott mót... það fer að líða að lokum í þessu blessaða móti og við erum ekki í góðum málum í deildinni þannig að tökum nú á þessu í bikarnum.. skráið ykkur hér fyrir neðan með commenti!

Kv. Lolli

Æfing í kvöld!

2006-08-24T06:28:00.000-07:00

Betra er seint en aldrei... tilraun til æfingar á sparkvellinum við íþróttahús Fram!
kl. 21:00, látið vita með kommenti hér undir, ef ekki nást 8 manns hér í kommentin þá er æfingin sjálfkrafa blásin af!

kv. Lolli

ps. minni á að það er búið að fresta leiknum fram á þriðjudag 29 ágúst, kl. 19:00 á framvellinum

BREYTT DAGSETNING BIKARINN 8.liða úrslit.

2006-08-23T12:02:00.000-07:00

Þriðji stærsti leikur sumarsins er framundan.
Á ÞRIÐJUDAGSKVÖLDIÐ mætum við Elliða í 8.liða úrslitum bikarsins.

Leikurinn er settur á kl.19:00 á FRAMVELLINUM með fyrirvara um skýjafar :-)

Gerum þetta blessaða sumar að sumri moppunnar og vinnum þessa helvítis pappakassa!

Áfram KF NÖRD.

Mikið rosalega er gaman að vinna!

2006-08-22T01:57:00.000-07:00

Það hlaut að koma að því! Eftir magran júlí mánuð hlaut eitthvað að gerast og ef það var ekki nú þá hefðum við nú eins getað pakkað niður farið í sjálfskipað frí frá fótbolta! Gismó sem er næst neðst í C. riðli án stiga komu hressir til leiks og sýndu að þeir eru sýnd veiði en ekki gefin, og þar að auki búnir að fá liðsauka í formi Þórhalls Dan!

Til tilbreytingar vorum við með 5 varamenn á okkar snærum, en eftirtaldir mættu í leikinn!
Gústi, Einar örugglega, Alli, Maggi, Ásgeir, Jónas, Lolli, Siggi H. Siggi G, Bjössi, Ingi, Himmi, Sveinbjörn H, Ketill, Palli og Keli!

Sökum treyjuvandræða sem fyrri daginn, var nánast sjálfskipað inná völlinn, þ.e. Einar í markinu, Lolli og Himmi í miðverðinum, Siggarnir í bakverðinum, Ásgeir og Alli á köntunum, Bjössi, Maggi og Keli á miðjunni og Ketill frammi.

Leikurinn hófst með jafnræði þar sem að bæði lið skiptust á að sækja, en ekkert markvert gerðist fyrr en á 5 mínútu þegar Gismó maður ætlar að taka þessa fínu sendingu fyrir en hittir boltann illa af 35 metra færi og settur boltan yfir Einar, sem var örlítið of framarlega, og í markið! 0-1 fyrir Gismó.

Við lögðum nú ekki árar í bát heldur hertum róðurinn ef eitthvað var, á 18 mínútu, náum við góðri sókn þar sem að Palli og Maggi taka léttan þríhyrning á miðsvæðinu og Maggi veður upp allan völlinn og rúllar Þórhalli Dan upp og skorar af stakri snilld í hægra hornið hjá markmanni Gismó. 1-1

Jafnræði hélst áfram í leiknum en við sóttum þó heldur meira. Nokkrar ágætar sóknir litu dagsins ljós og áttum við meðal annars skalla framhjá, hinu megin á vellinum sluppum við vel þegar Himmi braut af sér í skyndisókn, lét tækling sem var aðeins of sein... sennilega hefur þó Siggi H. verið kominn inn fyrir Himma þannig að hann var ekki lengur síðasti varnarmaður! Stuttu seinna fékk Bjössi boltan vinstra meginn í teignum og lék á einn varnarmann og lagði boltann svo snirtilega í hornið fjær þar sem að Ingi fylgdi vel á eftir, en sennilega skráist markið á Björn Frey. 2-1

Í kjölfar marksins færðu Gismó sig uppá skaftið og áttu nokkrar hörku sóknir sem enduðu í nauðvörn hjá okkur... Himmi bjargaði meðal annars tvisvar á línu í sömu sókninni og þá var boltin hreinsaður langt fram í tvíganga!

Staðan í hálfleik var 2-1 fyrir okkur og var hún verðskulduð!

Seinni hálfleikur var nú ekki orðinn gamall þegar þeir ná góðri sókn sem endar í skoti sem Einar ver en boltinn hrekkur af honum og sóknarmaður Gismó nær frákstinu og hamrar boltann inn! 2-2.

Eftir markið nær Gismó öllum völdum á vellinum og það ágæta spil sem hafði einkennt leik okkar í fyrri hálfleik hrundi gjörsamlega, og nýtti gismó sér það og átti hverja stórsóknina á fætur annari, sem þó enduðu flest sem langskot hátt yfir eða langt framhjá! Það kom þó að því að spilið fór að lagast hjá okkur en eftir að hafa misst boltann í sókninni náðu þeir góðri skyndisókn, Þórhallur átti góða sendingu inn fyrir vörnina og sóknarmaður þeirra lék á Einar í markinu og lagði boltann svo snyrtilega í markið! 2-3

Við þriðja mark þeirra virtumst við hrökkva í gang og áttum hörku góðan leik það sem eftir lifði! Ingi fékk boltann út á hægri kanti og sendi boltann fyrir þar sem að Ásgeir var á undan markmanninum í boltan lék upp að endamörkum og sendin frábæra sendingu yfir á Ketil sem stökk manna hæðst á fjærstöng og skallaði örugglega inn! 3-3

4 mínútum síðar náði Ingi ágætu skoti úr þröngri stöðu á hægri kanti sem markmaðurinn varði en hver var mættur á fjærstöng nema fyrverarndi markakóngur, antílópan sjálf hann Ásgeir og honum brást ekki bogalistin frekar en fyrri daginn og lagði boltann með hnitmiðuðu en föstu skoti uppí þaknetið! 4-3

Þegar leikurinn var að fjara út og við búnir að verjast vel þessar síðustu mínútur fengum við aukaspyrnu rétt inná okkar helming vallarinns, Himmi stillti boltanum upp og lítur rólega upp og sér hvar Palli skokkar úr rangstöðu hjá Gismó en í sömu andrá tekur Bjössi hnitmiðað og úthugsað hlaup á milli varnarmanna Gismó og Himmi setti boltann beint fyrir framan hann þar sem að Bjössi leggur boltann fyrir sig með einni hnitmiðaðri snertingu og vippar svo yfir markmann Gismó (þið ættuð bara að prófa að vera dvergar og vippa yfir fullvaxinn mann.... það er nú ekki eins auðvelt og það hljómar) og skorar örugglega 5-3

Stuttu síðar flautaði svo dómarinn til leiks, langþráður Moppusigur!

Leikurinn var í heild sinni nokkuð góður, sér í lagi fyrri hálfleikur þar sem að miðjan náði góðum takti og barðist um alla bolta og oft náðist mjög gott spil. Mörkin í leiknum voru öll mjög fín, tvö af kanntinum og tvö af miðjunni! Í seinni hálfleik var miðjan ekki að gera eins góða hluti framan af en náði svo takti þegar líða tók á leikinn! Vörnin var í lagi, en þó svolítið tæp á köflum, en fyrsta markið hjá þeim var hrein tilviljun, í öðru markinu voru þeir fljótari að ná endurkasti og í þriðja markinu náðu þeir góðri stungusendingu og senter þeirra var þó ótrúlegt megi virðast hraðari en vörnin okkar!

Held að móment leiksins hafi verið þegar Einar sýndi okkur Blámannin og mark Magga þar sem hann lék tvo varnarmenn uppúr skónum og skoraði!

En bráðskemmtilegur leikur og mikið djöfulli var gaman að vinna!

kv. Lolli

ps. ef það er staðreyndavillur þarna þá látið mig bara heyra það!

Leikur á mánudaginn 21. ágúst!!!!

2006-08-20T06:44:00.000-07:00

Góðan daginn bræður í kristi og öðrum trúfélögum. Á morgun mánudag leikur FC Moppa gegn Gismo á Tungubökkum og fer leikurinn fram kl. 19.30. Það er ljóst að til að 10. afmælisár þessa fornfræga klúbbs verði ekki eðju atað þurfa leikmenn og aðstandendur að taka sig saman í andlitinu og fjölmenna á þá leiki sem eftir eru. Ef árangur á að nást í bikarkeppninni þurfa menn í það minnsta að mæta í deildarleikina og spila sig saman.

Ég vil því leggja til að við mætum allir sem einn í Mosfellsbæinn á morgun og látum Gismó verða fyrsta félagið sem fær að kenna á endurnýjaðri Moppu sem mun rísa líkt og Fönix upp úr öskustónni á morgun, mánudag, kl. 19.30!!!

Melding í leikinn fer fram með hefðbundnum hætti í þar til gerðu ábendingarkerfi hér fyrir neðan.

Sjáumst á morgun, Gíraffinn.

æfing á fimmtudag!

2006-08-15T06:08:00.000-07:00

Sælir félagar hvernig væri nú að sprikla aðeins og sýna smá lit!
Æfing á fimmtudag kl. 21:00 í safamýrinni!
sami háttur og venjulega þið meldið ykkur með kommenti hér fyrir neðan!
kv. lolli

ps. ef einhver vill mæta aðeins fyrr og reyna að ná vellinum þá er það glæsilegt!