Leikur ofan á leik.

Sælir

Fyrsti leikur búinn og búið að skipuleggja annan.

Leikur við Vatnsbera á sunnudag kl.17.30 og því er mæting kl.17!
Meldið ykkur í kommentakerfið.

En þá er ekki úr vegi að tala aðeins um síðasta leik. Mættum 11 til leiks (þó sumir aðeins seinna en aðrir).
Stilltum þessi þannig upp að Ingvi var í marki, miðverðir vorur Pálmi og Himmi, bakverðir Sigurður Grétar og Kjartan, Miðjan var Jónas og Þorkell hinn nýji, kantmenn Gústi og Siggi H., frammi voru stormsenterarnir Valdi og BFI.

Byrjuðum vel og settum eitt fljótlega og var þar að verki lánsmaður sem var með okkur fyrstu 10 mín, eftir stórkostlega stungusendingu frá Sigurði G.
Mark nr. 2 var eitt það fallegra í Moppu sögunni og þá er nú helv. mikið sagt. Þríhyrningsspil frá miðju í gegnum alla vörn Vatnsbera sem endaði á því að Valdi renndi boltanum í autt netið.

Jón Frímann nær nú að setja eitt á móti okkur, aðallega vegna þess að okkur líkar vel við Jón Frímann.

Jónas setur svo þriðja markið í lokin eftir fallega aukaspyrnu Sigurðs G.
Þeir skora svo lokamarkið eftir vafasama markvörslu Ingva.

Semsagt 3-2 sigur í fyrsta leik og hreint ágætis spil á köflum þrátt fyrir smá vorbrag á okkur.
Vonandi mæta fleiri í leikinn næsta sunnudag enda hafið þið ekkert betra að gera á sunnudögum.

Ossokomasvo