Gerfigrasið í Frostaskjóli, bikarleikur, Fc Moppa vs' Rc Collins, skýjað og rigning í Grend en þurrt í Frostaskjóli! Andrúmsloftið er rafmagnað þar sem liðin ganga inn á völlinn, þögnin er einungis rofin af braki í spelkunum hans Lolla og smellunum í göngugrindinni hans Valda... spennunni léttir þegar siggi segir "strákar við hefðum átt að velja langröndótta búninga eins og Fc Rollins er í.... maður lítur út svo grannur í þeim"
Að leiknum! Mættir voru, Ásgeir, Valdi, Ingvi, Gústi, Himmi, Jónas, Þorkell, Alli, Maggi, Siggi, Teddi, Pálmi og Lolli!
Byrjunarliðið var Ingvi í marki, Himmi og Pálmi sem miðverðir, Siggi og Gústi sem Bakverðir, Maggi og Teddi á kantinum, Valdi, Jónas og Þorkell á miðjunni og Ásgeir frammi. Alli og Lolli voru svo á bekknum!
Leikurinn byrjaði sæmilega, og eftir 5 mínútur komst Maggi upp kantinn og lék á tvo varnarmenn og lagði boltann fyrir á Valda sem setti boltann fallega í markið og Moppan komin í 1-0.
Moppan átti þó í alvarlegum vandræðum með að spila boltanum og fóru margar sendingar forgörðum og náði andstæðingurinn oft ágætis skyndisóknum eftir slakar sendingar hjá moppumönnum, í einni slíkri komust þeir einir í gegn og náðu að skora með fallegu skoti framhjá Ingva í markinu! 1-1
Barningurinn hélt áfram og náði Moppan nokkrum ágætum sóknum sem enduðu með skotum, allt í kringum markramman. eftir ca. 20 mínútna leik náðist ágætt spil hjá moppunni og var valdi komin einn í gegn en var tæklaður niður og dómari leiksins var ansi lengi flauta vítaspyrnuna en gerði það nú á endanum við mikinn fögnuð Fc Moppu en andúð Rc Collins! Teddi stillti boltanum upp á vítapunkt og skoraði örugglega úr vítaspyrnunni! 2-1 fyrir Moppunni.
Í kjölfarið róaðist spil moppumanna aðeins og náðum við að halda boltanum aðeins betur og dreifa honum í gegnum miðjuna. Fljótlega náðum við góðu spili og fékk Valdi sendingu inní teig og lék á varnarmann og setti hann fram hjá markmanni Rc Collins! 3-1 fyrir Fc Moppu
Það sem eftirlifði hálfleiks var allt í járnum en fátt markvert gerðist, og staðan í hálfleik var 3-1
Eftir tíðindarlitlar byrjunarmínútur fyrri hálfleiks varð klúður á milli Ingva og Sigga sem varð til þess að Rc Collins minnkaði muninn á 45 mínútu... verður ekki frekar farið í það atvik hér! 3-2 fyrir Fc Moppu.
Í kjölfarið skiptust liðin á að sækja og áttu ágætis færi, án þess að stór hætta skapaðist, það var svo á 65 mínútu að Moppan fékk aukaspyrnu á eigin vallarhelming og var boltinn sendur langt fram þar sem að jónas náði honum og sendi hann fyrir þar sem að Valdi átti skalla sem Himma tókst svo að pota yfir marklínuna! 4-2 fyrir Fc Moppu!
Fátt markvert gerðist eftir þetta, nema það að Ingvi markvörður Fc moppu var dæmdur rangstæður eftir glæsilegan sprett þvert yfir völlinn, og voru allir sammála um að það hefði verið mjög vafasamur dómur! Rc Collins voru merkilega lengi að koma boltanum í leik og slapp Ingvi aftur í markið áður en þeir voru búnir að átta sig á því að það var markvörðurinn sem var kominn í sóknina.... eða þá að Ingvi er svona geðveikt snöggur!
Ljómandi lélegur leikur af hálfu Moppunnar og kom Björn Freyr með ágætan frasa um leikstíl moppunnar "Moppan spilar eins og andstæðingurinn" En sigurinn var góður hvernig sem moppan spilaði og erum við komnir áfram í bikarnum!
Maður leiksins að öðrum ólöstuðum var Valdi stormsenter sem setti tvö, fiskaði víti og lagði svo upp síðasta markið!
Næsti leikur er ekki fyrr en 12. Júl. 19:30 -
Vatnsberar-
FC Moppa Tungubakkar (C)
kv. Lolli
