Árshátíð Fc Moppu

Jæja loksins er runnið af manni svo hægt sé að hripa niður á rafrænt blað það sem maður man frá árshátíðinni síðasta laugardag.
Jæja allavega það síðasta sem ég man var að spila púl við Jónas og svo er allt í niðamyrkri..... jæja kannski ekki alveg.

Byrjað var að hittast á Players þar sem menn gripu í ölkönnu og fengu sér jafnvel einhvern bita yfir stórskemmtilegum leik West Ham og Arsenal ásamt Chealsea og Aston Villa. Þegar leikirnir voru búnir var gripið í pool og uppúr 17:00 var brunað niður í Fífu og farið í Soft ball.
Spiluðu menn af miklum ákafa og var mikið deilt um reglur í soft ball og var dómarinn látinn heyra það óspart sem kemur nú ekki á óvart þegar Fc Moppa er annars vegar.

Að leik loknum var brunað sem leið lá í sundlaug Kópavogs þar sem að Doddi var búinn að redda okkur aðstöðu í heitu pottunum. Þar var setið í ca. klukkutíma og helstu mál samtímans krufin til mergja, t.d. hver gæti haldið lengst niðri í sér andanum, hver væri með fallegustu moppuna, hvort fishermann friend eða hot 'n' sweet væri betra og hvort að bjór myndi þynnast ef að dollan fylltist af pottavatni. Rökræður um hver væri í flottustu skýlunni fóru út um þúfur þegar Pálmi og Gústi mættu í eins skýlum og leiddust út í pott.
Þegar menn voru orðnir vel soðnir þá var stokkið uppúr og menn fóru í hátíðarbúning Fc Moppu (nema kjarri hann var í gallabuxum) sem samanstendur af jakkafötum og Mopputreyju.

Þegar menn voru búnir að ná áttum eftir soðninginn skelltu menn sér niður í Verkfræðihús þar sem búið var að redda litlum sal fyrir mat og verðlaunaafhendingu. Maturinn kom frá Fylgifiskum og var sérlega góður og fær Ingvi fjöður í sinn hatt fyrir að redda því og einnig fyrir að elda hann listilega vel við slæmar aðstæður. Eftir matinn var verðlaunaafhending sem fór óvenju vel fram að þessu sinni.
Eftirfarandi verðlaun voru í boði og mun ég reyna að upplýsa hver fékk hvað.
Besta Moppan: Bjarni vel að því kominn.
Besti markmaður: Einar Örugglega
Besti Varnarmaður: Benni
Besti miðjumaður: Ingvi
Besti sóknarmaður: Valdi? (man ekki alveg)
Ólöglegasti leikmaður: Jónas
Forlan ársins: ????
Van Basten ársins: Van Basten sjálfur sindra til mikillar mæðu og mér til mikillar undrunnar.
Besti drykkjufélaginn: ????
Mesti nöldrarinn: Ingvi "ÞÚ ert á síðasta séns" Jökull
Mesti Kallinn.is: hinn helmassaði Gústi
Mesti femin.is: ????
Moppufélagi ársins: Van Basten
Besti þjálfarinn: Van Basten
Besti leikarinn: ????
Grófasti leikmaðurinn: Siggi??
Prúðasti leikmaðurinn: ????
Mestu framfarir: ????

Endilega hjálpið mér nú að rifja upp þá sem fengu verðlaunin þar sem spurningarmerkin eru við.

Eftir verðlaunaafhendinguna var ákveðið að almennt fyllerí skyldi hefjast og var tekið duglega á því það sem eftir var kvölds, drukkið eins og það væri enginn morgundagur en þrátt fyrir það sást ekki högg á veigum, og þegar lagt var af stað í bæinn þá var helmingur veiganna eftir.

Menn ýmist röltu eða tóku leigubíl niður í bæ og hittust á Hressó þar sem svallið hélt áfram og uppúr því dreifðist mannskapurinn um bæinn.

Þetta var ljómandi fín árshátíð og er maður þegar kominn með hugann við næstu árshátíð að ári en þá verður moppan 10 ára gömul og verður hún haldin á 5 stjörnu hóteli í Barein þannig að byrjið að leggja fyrir.

Hér eru myndir frá árshátíðinni http://www.fcmoppa.photosite.com sem Pálmi tók.

Árshátíð 24.09.05

Sælir félagar!
Ætlaði nú bara að minna á árshátíðina sem verður haldin næstu helgi. Sennilega dagskrá er
14:00 Players að drekka bjór og horfa á leik
17:00 Softball að hætti hefðarmanna í hinni stóru ammeríku... og drekka bjór
19:15 þrifabað í heitum potti og svitinn skolaður af með Bjór
20:30-infinity. Matur, bjór, verðlaunaafhending, bjór, vodka, bjór, sterkt vín.... og meiri bjór.
Sunnudagur....... þynnka

Takk fyrir

Ps. ef einhver getur séð af sossem einu húsi frá ca. 20:30 fram til ca. 01:00 þá látið endilega vita og verið ekki feimnir við erum vel upp aldnir...... allavega vel aldnir sóma piltar!!!!!

kv. Van Basten

Fc moppa 0-2 Duffþakur

Þá er tímabilinu formlega lokið og ekkert eftir nema að hella sig blindfullann á árshátíðinni. Hvet ég alla hvort sem það eru moppumenn eður ei að safna ló á efrivör í tilefni af árshátíð moppunnar þann 24. sept...... en nóg um það í bili, vík að því á eftir.

Fc Moppa tók á móti Duffþak í síðasta leik tímabilsins, þar sem að bæði lið höfðu að engu að keppa nema hvort yrði ofar í töflunni. Hvorugt liðið var í fallbaráttu né að berjast um sæti í úrslitakeppninni. Var mætingin í skárra lagi, en 17 manns sáu sér fært að mæta. Eftirtaldir mættu, Einar Örugglega, Siggi örugglega, Siggi, Gunni, Benni, Himmi, Arnar, Sverrir, Doddi, Ingvi, Bjarni, Bjössi, Jón, Gústi, Andreas, Pálmi og Lolli.
Byrjunarliðið var Einar í marki, Himmi og Benni miðverðir, Gústi og Siggi bakverðir. Jón og Gunni á köntunum og Sverri, Arnar og Ingvi á miðjunni og svo Bjössi einn frammi.

Leikurinn byrjaði ágætlega og var spilið ágætt á köflum og áttum við ágætis færi, þá áttu þeir einnig prýðis færi og endaði ein sókn þeirra með marki, boltinn barst hratt upp kantinn og þaðan inná miðjuna þar sem að einn Duffþaksmanna fékk boltann og negldi honum inn. 1-0 fyrir Duffþak. Eftir markið skiptust liðin á að sækja og voru bæði lið óheppinn að skora ekki. Moppan hélt áfram að sanka að sér gulum spjöldum og hirti Ingvi eitt í fyrrihálfleik fyrir nákvæmlega ekki neitt, (smá brot og röfl hver er að telja). Stuttu síðar var flautað til hálfleiks. staðan í hálfleik 1-0 fyrir Duffþak.

Í seinni hálfleik var skipulaginu breytt þannig að Þýski risinn var settur í Centerinn ásamt Bjössa þannig að leikkerfið breyttist úr 4-5-1 í 4-4-2. Ekki virtist það virka sérlega vel þar sem að spilið á miðjunni datt svolítið niður eftir það. Og eftir ca. 15 mínútna leik fengu Duffþaksmenn boltann gefins á miðjunni og geystust upp völlinn og skoruðu 2-0. Eftir þetta var fátt um fína drætti þanngað til í lok leiksins þegar Ingvi braut af sér út við hliðarlínu og það var dæmt á hann honum til mikillar gleði, enda hló hann lét við, dómarinn þótti það greinilega ekki viðeigandi og sagði hátt og snjallt "heyrðu vinur þú ert á síðasta séns" og Ingvi glotti við tönn og svaraði kankvís í bragði "Nei ÞÚ ert á síðasta séns" og fékk að launum sitt annað gula spjald í leiknum og með því það rauða. Enginn var meira hissa en Ingvi þegar hann fékk spjaldið og ræddu hann og dómarinn stundarhátt saman í smá tíma áður en Ingvi rölti útaf og fékk sér bjór á hliðarlínunni. Eftir brottvísunina áttu moppumenn ágætis sóknir og voru líklegri til að skora en ekki gekk það eftir og síðasti leikur tímabilsins kláraðist með 2-0 tapi fyrir Duffþak.

Þetta var ágætur leikur, sér í lagi í fyrri hálfleik en við það að breyta í 4-4-2 í seinni hálfleik datt dampurinn svolítið úr liðinu.

But now for somthing completly diffrent!!!!! Árshátíðinn verður haldin þann 24. september næstkomandi og er skylda hvers moppumanns að láta sér vaxa grön! Ekki þýðir að greiða út nasahárin því að það er ekki ekta moppa þannig að kaupið nú töfraelexírið "Loðin efrivör á 10 dögum" í næsta apóteki og hyljum efrivörina með hári!!!!

Eigið góðan dag
Van Basten

Fc Moppa - Duffþakur

Leikurinn færist fram um 30 mínútur og er því mæting í leikinn kl. 20:00

13.9.2005 - Fylkisvöllur - 20.30 - FC Moppa-Dufþakur (var settur kl. 21.00)

kv. Van Basten

Fc Hörleifur 4-1 Fc Moppa

Þessi leikur var nú ekki uppá marga fiska og best að fara sem fæstum orðum um hann.
Með sigri hefðum við verið í baráttu um að komast í úrslitakeppnina en með tapi setið í miðjumoði. Með miklum vilja og baráttuhug tókst okkur að tapa mjög svo sannfærandi á sunnudag.
Þeir sem mættu til leiks voru eftirfarandi: Lolli, Gunni F, Jón, Sindri, Kjarri, Bjarni, Siggi H. Siggi, Benni, Arnar, Gústi, Pálmi og Valdi. Liðið spilaði 4-4-2 þar sem að Gunni byrjaði í marki og Siggi og Benni voru miðverðir. Sindri og Pálmi bakverðir, jón og Bjarni á köntunum og Arnar og Kjarri á miðjunni. Frammi voru svo Gústi og Valdi. Á bekknum voru undirritaður og Siggi H.

Leikurinn var ekki orðinn margra mínútna gamall þegar Hjörleifsmenn skoruðu og fyrir hlé bættu þeir við einu marki með glæsilegri hjólhestaspyrnu. Í fyrrihálfleik átti dómarinn þó besta mómentið, það kom skot á markið hjá okkur sem Gunni sló í slánna og þaðan fór boltinn inn í hornið neðst og skaust þaðan út, Hjörleifsmenn byrjuðu að fagna og Moppumenn byrjuðu að labba út en dómarinn flautaði ekki og því hélt leikurinn bara áfram eins og ekkert hefði í skorist. Hjörleifsmenn voru ekki alveg sáttir við þetta en það var nú ekki hægt annað en að hlægja að þessu þetta var svo fáránlegt.
2-0 í hálfleik.

Í seinni hálfleik komum við talsvert ákveðnari til leiks og tókst að stilla vörninni vel upp og spila ágætlega. En þegar 20 mínútur voru eftir bættu Hjörleifsmenn við þriðja markinu. Skömmu síðar komst þó Valdi í gegn og tókst að vippa yfir markmann Hjörleifs og minnka muninn í 3-1. Áður en leiknum lauk bættu svo Hjörleifsmenn við einu markinu enn og unnu leikinn sannfærandi 4-1.

Það er svo sem ekki hægt að kvarta yfir þessu, þar sem að Hjörleifsmenn voru í heildina betri en við og verður það að dæmast á mætinguna. Mættum 13 þar af Undirritaður, Gústi, Sindri og Bjarni ekki nema hálfir menn, því ekki að furða að eftir 15-20 mínútur var Bjarni kominn útaf með tognun.

En stefnan er tekin á að vinna síðasta leikinn og hafa gaman af honum, ætlum að mæta með eitthvað létt á hliðarlínuna til að ná upp stemmningu og endilega að mæta sem flestir.

kv. Van Basten