Sólin skein í heiði, bjórinn kólnaði í kæliboxinu og sennilega er það (bjórinn) ástæðan fyrir því að það mættu 19 manns í leikinn í gær, þó verður nú að taka fram að sennilega verður þetta eina skiptið sem svona margir mæta í einn og sama leik. Held að þetta sé besta (að sumra mati versta) mæting á leik hjá moppunni. Menn voru með gleði í hjarta og allir reiðubúnir að spila í það minnsta 80 mínútur! Þeir sem mættu voru eftirfarandi! Einar Örugglega, Bjössi, Jón, Kjarri, Gústi, Siggi, Pétur Björn, Siggi jr. Benni, Jónas, Valdi, Ingvi, Gunni Freyz, Gunni Sig, Kári, Himmi, Pálmi og Palli.
Byrjunarliðið var Einar í markinu, Pálmi og Himmi í miðverðinum, Siggi og Kjarri í bakvörðum. Benni og Ingvi á miðjunni, Palli og Gunni á köntunum og Gústi og Bjössi frammi.
Leikurinn byrjaði með mikilli sókn hjá Magic og áttu þeir slatta af hálffærum, þ.e. skotum utan af velli sem því miður fréttaritari moppufrétta missti af sökum þess að hann var að rigga saman leikskýrslu! Þó virðist sem að Magic hafi tekist að hitta tréverkið allavega einu sinni.
Móðurinn fór þó af Magic þegar leið á leikinn og endalaust af óþreyttum mönnum hjá Fc Moppu streymdu inná og smá saman náði Moppan yfirhöndinni í leiknum. Lítið markvert gerðist í fyrrihálfleik fyrir utan örar skiptingar hjá Fc Moppu.
Í hálfleik var staðan 0-0 og stefndi því í geysispennandi seinnihálfleik.
Seinnihálfleikur hófst eins og sá fyrri endaði, þ.e. með yfirburðum Fc Moppu og örum skiptingum! Þegar ca. 10 mínútur voru liðnar komst Kári einn innfyrir eftir mistök í vörn Magic og setti boltann snyrtilega yfir markmanninn og reyndar markið líka. Skömmu síðar fékk Kári boltann og geystist inní teiginn vinstra meginn og renndi boltanum fyrir Pétur Björn sem átti ekki í vandræðum með að leggja hann í markið framhjá markmanni Magic. 0-1 fyrir Fc Moppu.
Tíu mínútum síðar var leikurinn endurtekinn og var það Björn Freyr sem renndi boltanum á Pétur Björn og var þetta nánast nákvæmlega eins gert og í fyrra markinu. 0-2 fyrir Fc Moppu.
Nú var mikil gleði á varamannabekk Fc Moppu og menn þegar farnir að opna fyrstu bjórana. Sennilega hefur hljóðið, sem við allir þekkjum, þegar bjór er opnaður haft þau áhrif á Gústa að hann brást við á þennan hátt sem hann gerði! Brotið var á Gústa um miðjan vallarhelming Fc Moppu (fólskulegt brot) og þar sem Gústi engdist um á jörðinni í nokkrar sekúndur heyrði hann bjór vera opnaðan á hliðarlínunni og stökk upp og ætlaði að hlaupa beina leið útaf en leikmaðurinn var því miður fyrir honum og eins og menn vita þá stendur ekkert í vegi Gústa þegar bjór er annars vegar, og því fór sem fór, beint rautt og bann í næsta leik! Reyndar er önnur þeóría um þetta brot þ.e. að þetta sé Beckham syndróm, því heyrst hefur að mikilvægur leikur eigi sér stað í Geirakoti um helgina og því varð hann að verða sér út um rautt spjald til að geta tekið þátt í honum..... en nóg um þetta!
Við þetta var skipulaginu breytt í 4 4 1 þar sem Pétur Björn var einn frammi.
Magic gerði heiðarlega tilraun til að sækja en Fc Moppa gerði mjög fólskulegar tilraunir til að verjast og virtist það ganga betur! Þegar ca. 10 mínútur voru eftir gulltryggði Fc Moppa sigurinn með marki beint úr aukaspyrnu. Brotið var á einhverjum rétt utanvið teig vinstrameginn við vítateiginn og tók Pétur Björn spyrnuna sjálfur og lagði hann snyrtilega í hornið fjær. Heyrst hefur að þetta hafi verið vel úthugsað markskot, en einnig hefur heyrst að þetta hafi verið vel meint sending inní teig, leyfum við lesendunum að meta það. En engu að síðu frábært mark og Fc Moppa komin í 3-0.
Þegar 5 mínútur voru eftir af leiknum taldi Valdi loksins að hann væri búinn að hita nóg upp fyrir leikinn, en hann byrjaði á fyrstu mínútu að hita upp. Skellti sér inná í sóknina fyrir Kára og fékk stórgott færi í blálokinn til að bæta stöðuna enn frekar en renndi boltanum á skemmtilegan hátt framhjá markinu. Sennilega verið of heitur. En staðan í leikslok 0-3 fyrir Fc Moppu.
Þetta verður að teljast bara hin ágætasta frammistaða hjá Fc Moppu þrátt fyrir að við vorum talsvert á hælunum fyrrihluta fyrrihálfleiks. Seinni hálfleikur var fínn og áttum við margar mjög góðar sóknir og vörnin stóð sig mjög vel, hélt hreinu í fyrsta skiptið í mótinu í ár. Það var ljómandi að hafa skipti menn, en þetta er annað hvort í ökkla eða eyra þar sem í síðasta leik mættum við 9 en í gær mættum við 19. Það á nú sjálfsagt eftir að verða meira jafnvægi á hlutunum í sumar, ég á ekki von á að þetta sé það sem koma skal, en fínt ef það myndi haldast ca. í 16 manns í hverjum leik.
Maður leiksins verður að teljast sá sem kom með bjórinn...... eða Pétur Björn með þrennu í fyrsta deildarleik sínum fyrir Fc Moppu, þið veljið!
Munið svo eftir æfingu á fimmtudaginn og að það er leikur á sunnudaginn
19. júní KR völlur 21:00, FC Moppa- Vatnaliljur!Kv. Van BastenPs. ef þið sjáið staðreyndavillu endilega commentið svo ég geti breytt!!!!
